ఢిల్లీ ఉపముఖ్యమంత్రి మనీష్ సిసోడియా అరెస్టును ఖండిస్తూ ప్రధానమంత్రి నరేంద్రమోదీకి విపక్షాలు లేఖ రాశాయి. తెలంగాణ సీఎం కేసీఆర్ తో సహా 9 మంది విపక్షనేతలు ప్రధానికి లేఖ రాశారు. మనీష్ సిసోడియాపై చర్యతో మనం ప్రజాస్వామ్యం నుంచి నిరంకుశత్వంలోకి పయనిస్తోందంటూ లేఖలో ఘాటు వ్యాఖ్యలు చేశారు. ప్రతిపక్షాలపై ఇలాంటి చర్యలు నిరంకుశత్వమని నేతలు ఆగ్రహం వ్యక్తం చేశారు. సీబీఐ, ఈడీ వంటి ఏజెన్సీలను దుర్వినియోగం చేయడాన్ని కూడా లేఖలో ఖండించారు. ప్రధానికి లేఖ రాసిన వారిలో సీఎంలు, మాజీ సీఎంలు, ముఖ్యనేతలు కూడా ఉన్నారు.
విపక్షాలపై దర్యాప్తు సంస్థలతో దాడులు చేయడం సరికాదన్నారు. బీజేపీలో చేరగానే ఆ కేసులను నీరుగార్చడం జరుగుతుందని తీవ్రంగా విమర్శించారు. అస్సాం సీఎం హేమంత్ బిస్వా శర్మను ఉదాహరణగా పేర్కొంటూ ఆరోపణలు చేశారు. ప్రత్యర్థి పార్టీల నుంచి నేతలను పార్టీలోకి చేర్చుకోవడం, తర్వాత వారిపై క్లీన్ చీట్ ఇస్తున్నట్లు లేఖలో దుయ్యబట్టారు.
Nine Opposition leaders including Arvind Kejriwal have written to PM Modi on the arrest of former Delhi deputy CM Manish Sisodia in the excise policy case. They have stated that the action appears to suggest that "we have transitioned from being a democracy to an autocracy". pic.twitter.com/ohXn3rNuxI
— ANI (@ANI) March 5, 2023
“మనీష్ సిసోడియాకు వ్యతిరేకంగా సాక్ష్యాలు లేకుండా 2023 ఫిబ్రవరి 26న సీబీఐ అరెస్టు చేసింది. సిసోడియాపై వచ్చిన ఆరోపణలు పూర్తిగా నిరాధారమైనవని, రాజకీయ కుట్ర అని ధ్వజమెత్తారు. ఆయన అరెస్టుపై దేశవ్యాప్తంగా ఆగ్రహం వ్యక్తమైంది. ఢిల్లీలో పాఠశాల విద్యను మార్చడంలో మనీష్ సిసోడియా ప్రపంచవ్యాప్తంగా ప్రసిద్ధి చెందారు. 2014 నుంచి దర్యాప్తు సంస్థలు ప్రతిపక్ష నేతలను టార్గెట్ చేయడం ప్రారంభించాయని విపక్ష నేతలు ప్రధాని మోదీకి రాసిన లేఖలో పేర్కొన్నారు.
బీఆర్‌ఎస్ అధినేత చంద్రశేఖర్ రావు, జేకేఎన్‌సీ చీఫ్ ఫరూక్ అబ్దుల్లా, బెంగాల్ సీఎం, టీఎంసీ అధినేత్రి మమతా బెనర్జీ, ఎన్సీపీ అధినేత శరద్ పవార్, ఉద్ధవ్ బాలాసాహెబ్ థాకరే, ఉద్ధవ్ ఠాక్రే, ఢిల్లీ సీఎం అరవింద్ కేజ్రీవాల్, పంజాబ్ సీఎంలు కలిసి ప్రధాని మోదీ లేఖ రాశారు. మన్, బీహార్ డిప్యూటీ సీఎం తేజస్వీ యాదవ్, సమాజ్‌వాదీ పార్టీ చీఫ్ అఖిలేష్ యాదవ్ లేఖలు రాశారు. కేంద్ర సంస్థల ప్రతిష్టను దిగజార్చడంపై ఈ నేతలు తీవ్ర ఆందోళన వ్యక్తం చేశారు.
