owner fixed His goat Rs. 70 lakhs price
mictv telugu

బక్రీద్‌లో రూ. 70 లక్షల మేక.. ప్రత్యేకత ఇదే

July 11, 2022

సాధారణంగా మేక ధర ఎంత ఉంటుంది? పది వేలో, మహా అయితే 20 వేలు ఉంటుంది. కానీ, చత్తీస్‌ఘడ్‌లో మాత్రం ఓ మేకను దాని యజమాని రూ. 70 లక్షలు నిర్ణయించాడు. బక్రీద్ సందర్భంగా రాయ్‌పూర్‌లోని బైజనాథ్ పరా మార్కెటుకు ఈ మేకను దాని యజమాని మధ్యప్రదేశ్ అనుప్పూరుకు చెందిన వాహిద్ హుస్సేన్ తీసుకొచ్చారు. ఈ సందర్భంగా దాని ప్రత్యేకతలు వివరించాడు. ‘ఈ మేక మేలుజాతికి చెందినది. అంతేకాక, ప్రకృతి ప్రసాదం. దీని శరీరంపై ఉర్దూలో అల్లా, మహమ్మద్ అని రాసి ఉంది. అందేకే ఇంత రేటు నిర్ణయించా. ఈ విషయం సోషల్ మీడియాలో కూడా పెట్టాను. దీన్ని చూసిన నాగపూరుకు చెందిన ఓ వ్యక్తి ఫోన్ చేసి రూ. 22 లక్షలకు కొనుగోలు చేస్తానని చెప్పాడు. కానీ, ఆ ధరకు నేను అమ్మదలుచుకోలేదు. ఇంకా ఎక్కువ ధర వస్తుందని ఆశిస్తున్నా’నని తెలిపాడు. కాగా, బక్రీదును ముస్లింలు భక్తిశ్రద్దలతో జరుపుకున్న విషయం తెలిసిందే. మరి ఈ ప్రత్యేక మేక అమ్ముడుపోయిందో లేదో ఇంకా తెలియరాలేదు.