పిజ్జాలు బర్గర్లు తింటున్రా…అయితే మర్శిపోన్రి?

ఫాస్ట్ ఫుడ్..ఒక్కఫోను గొడ్తెసాలు మీరు జరంత అటీటు మశిలినంత శేపట్ల మీముంగటుంటది,ఇంట్ల భార్య,భర్తలిద్దరూ.. కొలువు జేశిన్రనుకోన్రి ఇగ ఆళ్లకు అండుకునే తీరికెక్కడడుంటది,ఒక్కోపారి అండుకున్నా ఎహె ఊకే ఇంట్లతిండి ఏమితింటం…మంచిగ పిజ్జానో బర్గరో తెప్పిచ్చుకొని తిందాం అని పిజ్జా సెంటర్కు ఫోను గొడ్తరు,కొందరేమో అండుకోనికి పెయ్యి బర్వువై బేకీరిలల్ల కొయ్యి పిజ్జాలు బర్గలు లప్ప లప్ప తింటరు,ఇప్పటి పోరగాన్లకైతె గివ్విట్ని రోజు తినకపోతే ఆళ్లకు మన్సున వట్టది,అందుకే శానమంది పోరగాన్లు డబ్బరొట్టెలెక్క ఉబ్బుగుంటరు,ఈనడుమ ఇట్ల శానమంది ఫాస్ట్ ఫుడ్డుకు టేస్ట్ కు బాగనే మరిగిన్రు.
పిజ్జాలు కమ్మగున్నయని,బర్గర్ల మీద బుద్దివుట్టిందని అవ్విట్ని ఇయ్యర మయ్యర తింటే జల్దిన్నే గజినీలైతరట,కంప్యూటర్ల పైల్స్ ఎగిరిపోయినట్టు మీ దమాక్లున్న మెమెరీ మొత్తం కాలైదదట,అమెరికాలో శాస్త్రవేత్తలు పరీచ్చలుజేశి శెప్పిన్రు..ఎలుకలకు మంచిగ పిజ్జాలు బర్గర్లు తినిపించిన్రట,ఓ ఆర్నెల్లైనంక అవ్వి బర్వువెర్గుడే గాదు …వాటి ప్రవర్తనల గుడ మస్తు మార్పులను గమనించిన్రట,ఇదివర్కే ఫాస్ట్ ఫుడ్డుల మీద మస్తుగ ప్రయోగాలుజేశి ఆరోగ్యానికి మంచిది గాదని మస్తు మంది శెప్పిన్రు అయినా ఎవలన్న తినుడాగిన్రా,ఇంకా తినుడెక్కోనే అయింది గనీ తక్కోగాలే…ఏదో ఆర్త జెప్పుడు మా భాద్యత కాబట్టి శెప్తున్నం,తినుడు తినకపోవుడు మీ ఇష్టం.