ఆర్జీవీకి గట్టి షాక్.. అవమానిస్తున్నారంటూ ఆవేదన - MicTv.in - Telugu News
mictv telugu

ఆర్జీవీకి గట్టి షాక్.. అవమానిస్తున్నారంటూ ఆవేదన

April 5, 2022

వివాదాస్పద, సంచలన దర్శకుడు రామ్ గోపాల్ వర్మ తాజాగా దర్శకత్వం వహించిన చిత్రం డేంజరస్. తెలుగులో మా ఇష్టం పేరుతో విడుదలవుతోంది. భారతదేశంలో స్వలింగ సంపర్కుల కథాంశంతో వస్తున్న తొలి చిత్రంగా నిలచింది. అయితే ఈ సినిమా విషయంలో వర్మకు గట్టి షాక్ తగిలింది. ప్రముఖ మల్టీప్లెక్సులైన పీవీఆర్ సినిమాస్, ఐనాక్స్ సినిమాస్‌లు తమ థియేటర్లలో వర్మ సినిమాను ప్రదర్శించలేమని తేల్చి చెప్పాయి. ఈ విషయాన్ని వర్మనే స్వయంగా ట్విట్టర్ ద్వారా తెలిపారు. తన సినిమాకు సెన్సార్ బోర్డు అనుమతి ఉన్న విషయాన్ని ప్రస్తావించారు. ఈ రెండు సంస్థలు తమ నిర్ణయంతో స్వలింగ సంపర్కులను అవమానించారంటూ ఆవేదన వ్యక్తం చేశారు. అప్సర రాణి, నైనా గంగూలీ ప్రధాన పాత్రలో నటించిన ఈ చిత్రం ఏప్రిల్ 8న విడుదల కానుంది.