మహేశ్‌తో సినిమా ఎలా ఉంటుందంటే.. రాజమౌళి - MicTv.in - Telugu News
mictv telugu

మహేశ్‌తో సినిమా ఎలా ఉంటుందంటే.. రాజమౌళి

March 23, 2022

02

టాలీవుడ్ సెన్సేషనల్ డైరెక్టర్ ఎస్. ఎస్. రాజమౌళి ప్రస్తుతం ఆర్ఆర్ఆర్ ప్రమోషన్లలో బిజీగా ఉన్నారు. మార్చి 25న రిలీజ్ కానుండడంతో ఇప్పటికే దేశమంతా చుట్టేశారు. దీని తర్వాత రాజమౌళి సూపర్ స్టార్ మహేశ్ బాబుతో చేయనుండడం తెలిసిందే. ఇప్పటివరకు ఈ సినిమా గురించి ప్రస్తావిస్తే ఏదో ఒక రకంగా దాటవేసేవారు. కానీ, ఈ సారి మళ్లీ మళ్లీ అదే ప్రశ్న ఎదురవుతుండడంతో తొలిసారి మహేష్ సినిమా గురించి నోరు విప్పారు. మహేశ్‌తో చేయబోయే సినిమా లైన్ చాలా ఆసక్తిగా ఉందనీ, సింగిల్ హీరో చేసే సినిమా అని స్పష్టం చేశారు. బాహుబలి, ఆర్ఆర్ఆర్‌లను మించి ఈ సినిమా ఉంటుందని వెల్లడించారు. ఆర్ఆర్ఆర్ విడుదల తర్వాత మహేశ్‌తో చేయబోయే సినిమా మీద పూర్తి దృష్టి పెడతానని వ్యాఖ్యానించారు.