రజనీకాంత్‌‌ను డాక్టర్లు రాజకీయాల్లోకి వద్దన్నారా? - MicTv.in - Telugu News
mictv telugu

రజనీకాంత్‌‌ను డాక్టర్లు రాజకీయాల్లోకి వద్దన్నారా?

October 30, 2020

Rajinikanth Says Covid-19 Delays Formal Political Entry.jp

నటుడు రజినీకాంత్ రాజకీయ రంగప్రవేశం గురించి గత కొన్నేళ్లుగా వార్తలు వస్తున్న సంగతి తెల్సిందే. ఆయన కొత్త పార్టీ పెడతాడని కొన్ని రోజులు.. లేదు ఆయన బీజేపీ పార్టీలో చేరుతారని కొన్ని రోజులు వార్తలు వచ్చాయి. కానీ, రజినీకాంత్ ఆ వార్తలపై స్పందించలేదు. తాజాగా సోషల్ మీడియాలో ఓ లెటర్ వైరల్ అవుతుంది. డాక్టర్ల సూచన మేరకు రజినీకాంత్ రాజకీయాల్లోకి రావడం అనే ఆలోచనను విరమించుకున్నారని ఆ లెటర్ ఉంది. 

దీనిపై రజినీకాంత్ స్పందించారు. ఆ లెటర్ గురించి తనకు తెలియదన్నారు. కానీ, ఆరోగ్య సమస్యలు మాత్రం నిజమని తెలిపారు. అలాగే సరైన సమయంలో రాష్ట్ర వ్యాప్తంగా ఉన్న అభిమాన సంఘాలతో చర్చించి రాజకీయాల్లోకి వస్తానని తెలిపారు. ‘నాకు 2016లో కిడ్నీ మార్పిడి ఆపరేషన్‌ జరిగింది. ఆ ఆపరేషన్‌ చేసిన డాక్టర్లు.. ఆరోగ్య కారణాల రీత్యా రాజకీయాలకు దూరంగా ఉండాలని అప్పట్లో నాకు సలహా ఇచ్చారు.’ అని రజనీకాంత్‌ తెలిపారు. అది డాక్టర్ల సలహా మాత్రమేనని, రాజకీయాల్లోకి తాను వెనక్కి పోలేదని స్పష్టం చేశారు.