లాక్ డౌన్ కారణంగా ప్రజలందరూ ఇళ్లకే పరిమితమయ్యారు. దీంతో అడవుల్లో ఉండాల్సిన జంతువులు, వన్యప్రాణులు ఇళ్లలోకి వస్తున్నాయి. ఇటీవల గుజరాత్ లోని ఓ స్కూల్ లోకి సింహం వెళ్లిన సంగతి తెల్సిందే. తాజాగా గురువారం ఒడిశాలో అరుదైన రెండు తలల పాము ఇళ్లలోకి వచ్చింది.
కియోంజార్‌లోని ఓ ఇంట్లో ఈ పాము ప్రత్యక్షమైంది. దీన్ని గుర్తించిన స్థానికులు వెంట‌నే అట‌వీ శాఖ అధికారుల‌కు స‌మాచార‌మిచ్చారు. వారు ఆ పామును ప‌ట్టుకుని ద‌గ్గ‌ర‌లోని అడవిలో వ‌దిలిపెట్టారు. దీన్ని తోడేలు పాము(ఉల్ఫ్ స్నేక్‌) అని కూడా అంటారని అటవీశాఖ అధికారులు తెలిపారు. దీనికి సంబంధించిన వీడియోను అట‌వీ శాఖ అధికారి సుశాంత్ నందా సోషల్ మీడియాలో షేర్ చేశాడు. ప్రస్తుతం ఈ వీడియో సోషల్ మీడియాలో వైరల్ అవుతోంది.
A rare wolf snake with two fully formed heads was rescued from a house in the Dehnkikote Forrest range of Keonjhar district in Odisha.
Later released in Forests. pic.twitter.com/7fE0eMciEB— Susanta Nanda IFS (@susantananda3) May 7, 2020
