రియల్ మీ నుంచి మరో కొత్త ఫోన్ వచ్చేస్తోంది. సీ సీరీస్ లో సీ 55 మోడల్ ను మార్కెట్లోకి దించుతోంది కంపెనీ. ఇండోనేషియాలో ఫోన్ ను ఆల్రెడీ లాంచ్ చేసేసింది. 64 మెగాపిక్సెల్ కెమెరా, 5500 ఎంఏహెచ్ బ్యాటరీ సామర్థ్యంతో ఆకర్షించే డిజైన్ తో రూపొందించింది. రియల్ మీ ఇండోనేషియా వెబ్ సైట్ లో రేపటి నుంచి అమ్మకాలు ప్రారంభించనుంది.
సీ55 ఫోన్ లో 6.72 ఇంచుల హెచ్ డీ స్క్రీన్ ఉంది. ఐఫోన్ 14 ప్రోలో ఏర్పాటు చేసిన ‘డైనమిక్ ఐలాండ్ లాంటి మినీ క్యాప్సూల్ ఫీచర్‌ను కూడా పెట్టారు. ఈ ఫీచర్ తో రియల్ మీ లో వస్తున్న మొదటి ఫోన్.
ఆండ్రాయిడ్ 13తో వస్తున్న ఈ ఫోన్ ను రెండు వేరియంట్లలో అందుబాటులోకి తీసుకొస్తున్నారు. 6జీబీ-128 జీబీ మోడల్ ధర ఇండోనేషియాలో సుమారు రూ.13,300 కాగా, 8జీబీ-256 జీబీ వేరియంట్ ధర రూ.16 వేలు. రెయినీ నైట్, సన్ షవర్ అనే రెండు కలర్ లలో సీ55 ఫోన్ వస్తోంది. ఫోన్ లో మీడియా టెక్ హీలియో జీ88 ప్రాసెసర్ ను ఏర్పాటు చేశారు. వెనుక వైపు రెండు కెమెరాలు ఉన్నాయి. 64 మెగాపిక్సెల్ ప్రైమరీ కెమెరా, 2 మెగాపిక్సెల్ డెప్త్ సెన్సార్ ను అమర్చారు. సెల్ఫీలు, వీడియో కాల్స్ కోసం 8 మెగాపిక్సెల్ కెమెరా పెట్టారు. 1 టెర్రాబైట్ దాకా మెమొరీని పెంచుకునే అవకాశం ఉంది. సైడ్ కి ఫింగర్ ప్రింట్ సెన్సార్ పెట్టారు. త్వరలోనే భారతదేశంలోనూ ఈ ఫోన్ సేల్స్ ప్రారంభించేందుకు కంపెనీ ఏర్పాట్లు చేస్తోంది.
