Rpf constable Saved passenger slipped from the train In Purnia station
mictv telugu

రైలు నుంచి జారిపడిన ప్రయాణికుడు…ప్రాణాలకు తెగించి రక్షించిన ఆర్ఫీఎఫ్ కానిస్టేబుల్ (వీడియో)

January 4, 2023

తరచూ సంభవిస్తున్న రైలు ప్రమాదాలు, అధికారుల హెచ్చరికలు ఇవేవీ కొందరి ప్రయాణికుల్లో మార్పు తేవడం లేదు. అదే నిర్లక్ష్యం, అవే తప్పులతో ప్రమాదాలు కొని తెచ్చుకుంటున్నారు. కదులుతున్న ట్రైన్ నుంచి దిగవద్దు, ఎక్కవద్దు అంటూ అధికారులు మొర పెట్టుకుంటున్నా అవేం పట్టించుకోకుండా ప్రమాదాల బారిన పడుతున్నారు. కొందరు ప్రాణాల నుంచి తప్పుకుంటే..మరి కొందరు తృటిలో ప్రాణాల నుంచి బయటపడుతున్నారు. ఇలాంటి సంఘటనలు ఈ మధ్య సోషల్ మీడియాలో ఎక్కువగా కనిపిస్తున్నాయి. తాజాగా కదులుతున్న ట్రైన్ ఎక్కేందుకు ప్రయత్నించి..పడిపోయిన ఓ వ్యక్తిని ఆర్పీఎఫ్ కానిస్టేబుల్ రక్షించాడు. బీహార్‎లో జరిగిన ఈ ఘటన దృశ్యాలు ప్రస్తుతం వైరల్ గా మారాయి.

పూర్నియా స్టేషన్‌‌లో కదులుతున్న ట్రైన్‌ను ఎక్కేందుకు ఓ ప్రయాణికుడు ప్రయత్నించాడు. కాలు జారడంతో కింద పడిపోయి కాస్త దూరం ట్రైన్‌తో పాటు వెళ్ళిపోయాడు. ఇది గమనించిన ఓ ఆర్పీఎఫ్ కానిస్టేబుల్ వేగంగా పరుగెత్తుకు వచ్చి అతడిని కాపాడాడు. ప్లాట్‌ఫారమ్ మధ్య ఉన్న గ్యాప్‌లోకి జారిపడిపోతున్న సమయంలో చాకచక్యంగా వ్యవహరించి బయటకు లాగాడు. దీంతో ప్రాణాలతో బయట క్షేమంగా బయటపడ్డాడు. ఈ వీడియోను నార్త్ఈస్ట్ ఫ్రాంటియర్ రైల్వే షేర్ చేసింది. దీంతో నిండు ప్రాణాన్ని తన సమయ స్పూర్తితో కాపాడిన రైల్వే ఉద్యోగిపై సంజీవ్ కుమార్ సింగ్‌ కుమార్‌పై ప్రశంశల వర్షం కురుస్తోంది.

ఇవి కూడా చదవండి :

వరుడు ఇచ్చిన బహుమతికి వధువు షాక్!

ముగ్గురు భార్యలతో 5 క్రికెట్ టీంలు రెడీ చేసిన పాకిస్తానీ

కాళేశ్వరానికి డీపీఆరే లేదు.. ఎన్ని సార్లు డిజైన్ మార్చిర్రు..ఎవరికోసం మార్చిర్రు.. అన్ని తెలుసు మాకు