గాల్లోనే విమానం.. ట్రైనీ పైలట్‌తో శృంగారం.. వీడియో లీక్ - MicTv.in - Telugu News
mictv telugu

గాల్లోనే విమానం.. ట్రైనీ పైలట్‌తో శృంగారం.. వీడియో లీక్

May 27, 2022

గాల్లో విమానాన్ని పెట్టి.. ట్రైనీ పైలట్‌తో శృంగారంలో మునిగి తేలాడో పైలట్. ట్రైనీ పైలట్‌కు ఎక్కువ గంటలు శిక్షణ ఇస్తానని చెప్పి ఆశ చూపి.. ఆమెతో రాసలీలకు దిగాడు. విమానాన్ని ఆటోపైలట్ మోడ్‌లో పెట్టి కాక్‌పిట్‌లోనే ముద్దులు, కౌగిలింతలతో రెచ్చిపోయాడు. రష్యాలోని సాసోవో ఫ్లైట్ స్కూల్ ఆఫ్ సివిల్ ఏవియేషన్‌లో జరిగిందీ ఘటన. అక్కడ 28 ఏండ్ల పైలట్‌ కొందరు ట్రైనీలకు శిక్షణ ఇస్తున్నాడు. రియాజాన్ ప్రాంతంలో సెస్నా 172 విమానంలో 21 ఏళ్ల మహిళా ట్రైనీకి శిక్షణ ఇస్తూ తన కోరిక తీరిస్తే మరిన్ని ఎక్కువ గంటలు శిక్షణ ఇస్తానని ఆశ చూపాడు. ఇందుకు ఆమె తొలుత నిరాకరించినా ఆ తర్వాత అతడికి లొంగిపోయింది.

దొరికిందే చాన్స్ అనుకొని ఆ పైలట్ విమానాన్ని ఆటోపైలట్‌ మోడ్‌లో పెట్టి.. ఫోన్‌ కెమెరాను ఆన్‌లో పెట్టి.. ఆమెతో శృంగారంలో పాల్గొన్నాడు. ఇద్దరూ కాక్‌పిట్‌లోనే కామకేళి జరిపారు. జరుగుతున్న తతంగాన్నంతా రికార్డ్‌ చేసుకున్నారు. అయితే గాల్లో గప్‌చు్‌పగా జరిగిన ఈ యవ్వారం సడెన్‌గా బయటకు వచ్చింది. ఆ ట్రైనీ పైలట్‌ తన స్నేహితురాలితో గొడవ పడడంతో.. ఆమె కోపంలో ఈ వీడియోను లీక్‌ చేసేసింది. వీడియో బయటకు రాగానే.. సంబంధిత ఫ్లయింగ్‌ స్కూల్‌ వర్గాలు అప్రమత్తమయ్యాయి. ఇద్దరినీ స్కూలు నుంచి బహిష్కరించాయి. దీనిపై ట్రైనీపైలట్‌ను ప్రశ్నించగా.. మాట మారుస్తూ అలా ఒకసారే జరిగిందని చెప్పుకొచ్చింది. ఎక్స్‌ట్రా క్లాసులు చెబుతానని ఆ పైలట్‌ హామీ ఇవ్వడంతో దానికి ఆమె ఒప్పుకున్నట్లు సంబంధిత వర్గాలు వెల్లడించాయి.