Samantha's first job was in a hotel.. What is the monthly salary?
mictv telugu

సమంత తొలి ఉద్యోగం ఓ హోటల్లో.. నెల జీతం ఎంతంటే?

July 6, 2022

Samantha's first job was in a hotel.. What is the monthly salary?

టాలీవుడ్‌లోకి ‘ఏమాయ చేసావే’ సినిమాతో అడుగుపెట్టి, కుర్రకారును తన అందంతో, నటనతో కట్టిపడేసిన ప్రముఖ హీరోయిన్ సమంత, ఒక హోటల్లో ఎనిమిది గంటలపాటు పనిచేశానని షాకింగ్ విషయాన్ని తెలిపింది. తాజాగా సమంత సోషల్ మీడియాలో లైవ్‌లోకి వచ్చింది. దాంతో ఓ నెటిజన్ ఆమె స్టైల్, ఫుడ్, ఫ్యామిలీ గురించి తెలుసుకోవడానికి ఆసక్తిగా ‘సమంత గారు మీ మొదటి ఉద్యోగం ఎక్కడ చేశారు?, జీతం ఎంత తీసుకున్నారో? ఆ విషయాలు చెప్పండి’ అని అడిగాడు. దానికి సమంత నవ్వుతూ, అసలు విషయం చెప్పేసింది.

”నా మొదటి జీతం రూ. 500. అది ఒక హోటల్లో అనుకుంటా. మాస్టెస్‌గా దాదాపు ఎనిమిది గంటలపాటు పనిచేశాను. ఆ సమయంలో నాకు రూ. 500 ఇచ్చారు. ఈ ఉద్యోగం 10వ తరగతి చదువుతున్నప్పుడో, 11వ తరగతి చదువుతున్నప్పుడో చేశాను” అని సమంత చెప్పుకొచ్చింది. ప్రస్తుతం ఆ వీడియో నెట్టింట వైరల్ అవుతుంది.

మరోపక్క సమంత నాగచైతన్యతో విడాకులు తీసుకున్న అనంతరం..సినిమాలపై, కేరిర్‌పై దృష్టి సారించింది. ప్రస్తుతం సమంత అత్యధిక పారితోషికం తీసుకుంటున్న రెండవ హీరోయిన్‌గా టాప్‌లో నిలిచింది. ఒక్కోక్క సినిమాకు రూ. 3 కోట్ల నుంచి రూ.5 కోట్ల వరకు తీసుకుంటున్నట్లు తెలుస్తోంది. రస్సో బ్రదర్స్, సిటాడెల్ చిత్రంతో సమంత బాలీవుడ్‌లోకి అడుగుపెట్టనుంది. ప్రముఖ చిత్రనిర్మాత ద్వయం రాజ్ నిడిమోరు, కృష్ణ డికె దర్శకత్వం వహించిన ఈ సినిమాలో వరుణ్ ధావన్ కథానాయకుడిగా నటించనున్నాడు.