పూర్తిగా పుచ్చిపోయారు. దిశ రేప్ వీడియోల కోసం గూగుల్ - MicTv.in - Telugu News
mictv telugu

పూర్తిగా పుచ్చిపోయారు. దిశ రేప్ వీడియోల కోసం గూగుల్

December 3, 2019

disha 01

నిర్భయ ఉదంతం తర్వాత దేశవ్యాప్తంగా సంచలనం సృష్టించిన అత్యాచార కేసులు చాలానే ఉన్నాయి. దిశ కేసు కూడా వాటిలో ఒకటి. దోషులను ఉరితీయాలని పార్లమెంటులో ఎంపీలు ముక్తకంఠంతో డిమాండ్ చేస్తున్నారు. జనం కూడా రోడ్లపైకి వచ్చిన భారీస్థాయిలో నిరసన ప్రదర్శనల జరుపుతున్నారు. దోషులను మొదట ఉంచిన షాద్ నగర్ పోలీస్ స్టేషన్ వద్దా, ఇప్పుడు ఉంచిన చర్లపల్లి జైలు వద్దా నిరసనలు జరిగాయి. వాటిని తమకు అప్పగిస్తే కొట్టి చంపి సత్వర న్యాయం చేస్తామని జనం ఆగ్రహావేశాలు వ్యక్తం చేశారు. 

ఇదంతా నాణేనికి ఒకవైపు. మరోవైపు పూర్తిగా పుచ్చిపోయి కంపుకొడుతున్న సమాజం ఉంది. దిశ అత్యాచారాల వీడియోల కోసం లక్షల మంది గూగుల్, యూట్యూబ్‌లతోపాటు నానా పోర్న్ వెబ్ సైట్లలో వెతికారు! దిశ ఘటన వెలుగు చూసిన తర్వాత ‘హైదరాబాద్ రేప్ వీడియో’ అంటూ టైప్ చేసి గూగుల్లో పెద్ద సంఖ్యలో వెతికారు. డెడ్ ఫోటోస్ అని, దిశ.. .అని నానా పదాలు జోడించి వెతికారు. మరోపక్క.. దిశ హంతకులను శిక్షించాలని డిమాండ్ చేస్తున్న జనం, ప్రైవేటు సంభాషణల్లో, చాట్లలో అందుకు విరుద్ధంగా వ్యాఖ్యలు చేసిన స్క్రీన్ షాట్లు కూడా వైరల్ అవుతున్నాయి. సంచలనం సృష్టించిన అత్యాచార కేసులకు సంబంధించిన వీడియోలను నెటిజన్లు వెతకడం కొత్తేమీ కాదు. కశ్మీర్ కథువా రేప్ తర్వాత కూడా వీడియోల కోసం దారుణంగా అన్వేషించారు.