మోదీ పర్యటనలో భద్రతా లోపాలు.. బెలూన్లపై పోలీసుల సీరియస్ - MicTv.in - Telugu News
mictv telugu

మోదీ పర్యటనలో భద్రతా లోపాలు.. బెలూన్లపై పోలీసుల సీరియస్

July 4, 2022

అల్లూరి విగ్రహావిష్కరణకు సోమవారం ఏపీకి వచ్చిన ప్రధాని మోదీ పర్యటనలో భద్రతా లోపాలు వెలుగు చూశాయి. హైదరాబాదు నుంచి విజయవాడకు విమానంలో చేరుకున్న ప్రధాని.. అక్కడ్నుంచి ప్రత్యేక హెలికాప్టర్‌లో భీమవరం బయల్దేరారు. ఈ క్రమంలో గన్నవరం నుంచి హెలికాప్టర్‌లో వెళ్తుండగా, హెలికాప్టర్‌కు అతి సమీపంలో నల్ల బెలూన్లు ఎగిరాయి. ఎయిర్ పోర్టుకు సమీపంలో ఉండే కేసరిపల్లి గ్రామం నుంచి కాంగ్రెస్ శ్రేణులు నల్ల బెలూన్తను వదిలారు. ఈ మేరకు పోలీసులు సీరియస్‌గా విచారణ చేస్తున్నారు. ప్రధాని మోదీ పర్యటనకు వ్యతిరేకంగా కాంగ్రెస్ ఈ రోజు ఏపీలో నిరసనకు దిగింది. రాజమండ్రి, జంగారెడ్డి గూడెం, గన్నవరం ఎయిర్ పోర్టుల వద్ద ఆ పార్టీ నిరసనలు వ్యక్తం చేసింది. ఇప్పటికే ఏలూరు కాంగ్రెస్ జిల్లా అధ్యక్షులు జెట్టి గురునాథరావును పోలీసులు అరెస్ట్ చేశారు. కాగా, ప్రధాని భద్రతలో లోపాలు వెలుగు చూడడంతో బీజేపీ శ్రేణుల్లో ఆందోళన వ్యక్తమవుతోంది.