రెస్టారెంట్లకు వెళ్తున్నారా.. వీటికి బిల్ పే చేయక్కర్లేదు - MicTv.in - Telugu News
mictv telugu

రెస్టారెంట్లకు వెళ్తున్నారా.. వీటికి బిల్ పే చేయక్కర్లేదు

May 24, 2022

Service Charge In Restaurants Not Mandatory But Voluntary On Customer's Consent Centre

మీరు ఏదైనా రెస్టారెంట్లకు వెళ్లినప్పుడు.. మీరు చేసిన ఆర్డర్‌కు మాత్రమే కాకుండా సర్వీస్ చార్జ్ పేరుతో ఎక్స్‌ట్ర బిల్ వేస్తున్నారేమో చూసుకోండి. ఎందుకంటే సర్వీస్ చార్జ్ అనేది ఆప్షనల్. కస్టమర్లకు రెస్టారెంట్ నిర్వాహకుల సర్వీస్ నచ్చితే పే చేయొచ్చు. లేదంటే లేదు. ఈ ఛార్జీల విషయంపై కేంద్ర ప్రభుత్వం స్పష్టంగా పేర్కొన్నప్పటికీ.. రెస్టారెంట్లు మాత్రం ప్రతి కస్టమర్ నుంచి వసూలు చేస్తున్నాయి. దీనిపై రెస్టారెంట్లను కేంద్ర ప్రభుత్వం హెచ్చరించింది. నేషనల్ కన్జ్యూమర్ హెల్ప్‌లైన్‌కు పెద్ద సంఖ్యలో ఫిర్యాదులు రావడంతో కేంద్ర వినియోగదారుల వ్యవహారాల శాఖ ఈ హెచ్చరిక చేసింది. కేంద్ర వినియోగదారుల వ్యవహారాల శాఖ కార్యదర్శి రోహిత్ కుమార్ సింగ్ ఈ మేరకు నేషనల్ రెస్టారెంట్ అసోసియేషన్ ఆఫ్ ఇండియా (ఎన్ఆర్ఏఐ)కు ఓ లేఖ రాశారు.

కొన్ని రెస్టారెంట్లు కస్టమర్ల నుంచి సర్వీస్ చార్జీ పేరిట వసూళ్లు చేపడుతున్నాయని, ఒక్కోసారి సర్వీస్ చార్జీ మరీ దారుణంగా ఎక్కువగా ఉంటున్నాయని ఆ లేఖ పేర్కొంది. ఇలాంటి చార్జీల చట్టబద్ధతపైనా రెస్టారెంట్లు వినియోగదారులను తప్పదారి పట్టిస్తున్నాయని వివరించింది. అంతేకాదు, బిల్ అమౌంట్ నుంచి ఈ సర్వీస్ చార్జీ తొలగించాలని వినియోగదారులు విజ్ఞప్తి చేసినా రెస్టారెంట్లు వేధించిన ఘటనలు ఉన్నట్టు ఆ లేఖ పేర్కొంది. ఈ నేపథ్యంలోనే ఎన్ఆర్ఐఏతో జూన్ 2న సమావేశం కావడానికి షెడ్యూల్ ఫిక్స్ చేసింది. రెస్టారెంట్లు విధిస్తున్న సర్వీస్ చార్జీలపై ఆ సమావేశంలో వినియోగదారుల వ్యవహారాల శాఖ చర్చించనుంది.