ఉక్రెయిన్ – రష్యా దేశాల మధ్య జరుగుతున్న యుద్ధం విషయంలో ‘యుద్ధం వద్దు – శాంతే ముద్దు’ అంటూ ప్రపంచ దేశాలు రష్యాను కోరుతున్నాయి. అయిన అవేవి పట్టించుకోకుండా రష్యా గత ఆరు రోజులుగా ఉక్రెయిన్ దేశంపై యుద్దాన్నీ తీవ్రతరం చేస్తోంది. దీంతో రష్యాపై ఆగ్రహించిన పలు దేశాలు ఆంక్షలు విధిస్తున్నాయి.
No expert, but the invasion doesn’t seem to be going particularly well.
Ukrainian tractor steals Russian APC today 👇 pic.twitter.com/exutLiJc5v
— Johnny Mercer (@JohnnyMercerUK) February 27, 2022
ఈ సందర్భంగా ఉక్రెయిన్ దేశానికి చెందిన ఓ రైతు తన దేశం కోసం చేసిన సాహసం ప్రస్తుతం సామాజిక మాధ్యమాల్లో తెగ వైరల్ అవుతుంది. ఓ వైపు భయాంకర యుద్ధం, మరోవైపు ప్రాణ నష్టం జరుగుతున్న నేపథ్యంలో రష్యా దేశానికి చెందిన యుద్ధ ట్యాంకులనే ఎత్తుకెళ్లాడు ఆ రైతు. గుట్టుచప్పుడు కాకుండా అక్కడకు చేరుకున్న ఆ కర్షకుడు.. తన ట్రాక్టర్‌కు ఆ యుద్ధ ట్యాంకర్‌ను అనుసంధానం చేసుకొని, అక్కడి నుంచి తరలించాడు. దానిని గమనించిన ఓ రష్యా సైనికుడు ఆ వాహనాల వెనుక పరుగెత్తాడు. ఆ వీడియోను బ్రిటిష్ కన్జర్వేటివ్ నేత, ప్లైమౌత్ మూర్ వ్యూ అనే పార్లమెంట్ సభ్యుడు ట్విటర్లో పోస్ట్ చేశాడు. దీంతో సోషల్ మీడియాలో తెగ వైరల్ అవుతుంది. అంతేకాదు ఆ వీడియోను వీక్షించిన ప్రతి ఒక్కరూ ”శభాష్ రైతు.. నీ సాహసం ఉక్రెయిన్ దేశానికి ఆదర్శం” అంటూ కామెంట్స్ చేస్తున్నారు.
