Stone pelting on Vande Bharat train in Visakhapatnam
mictv telugu

విశాఖలో వందే భారత్ రైలుపై రాళ్ల దాడి.. వీడియో ఇదిగో

January 11, 2023

Stone pelting on Vande Bharat train in Visakhapatnam

త్వరలో ప్రారంభానికి సిద్ధంగా ఉన్న వందే భారత్ రైలుపై బుధవారం విశాఖలో రాళ్ల దాడి జరిగింది. కంచరపాలెం సమీపంలో రామ్మూర్తి పంతులు గేటు వద్ద రైలుపై దాడి జరుగగా, బోగీ అద్దాలు ధ్వంసమయ్యాయి.

మెయింటెనెన్స్ సమయంలో ఈ దాడి జరిగిందని రైల్వే అధికారులు చెప్పగా, ఘటనపై విచారణ జరుపుతున్నామని రైల్వే పోలీసులు వెల్లడించారు. విశాఖ – సికింద్రాబాద్ మధ్య నడిచే వందే భారత్ రైలు బుధవారమే విశాఖకు చేరుకుంది. నిర్వహణ, పర్యవేక్షణలో భాగంగా రైలును విశాఖకు తీసుకొచ్చినట్టు అధికారులు తెలిపారు. కాగా, రెండు నగరాల మధ్య నడిచే ఈ రైలు ఎనిమిదిన్నర గంటల్లో గమ్యాన్ని చేరుకుంటుంది. మధ్యలో వరంగల్, ఖమ్మం, విజయవాడ, రాజమండ్రి స్టేషన్లలో ఆగనుంది. ఈ రైలు ప్రారంభానికి ఈ నెల 19 న ప్రధాని మోదీ సికింద్రాబాద్ రానుండగా, అనూహ్యంగా పర్యటన తాత్కాలికంగా వాయిదా పడింది.