Students are crying holding the teacher who is going on transfer
mictv telugu

‘ప్లీజ్ సార్.. మమ్మల్ని విడిచి వెళ్లొద్దు’ టీచరుని పట్టుకొని ఏడ్చేస్తున్న స్టూడెంట్స్

July 15, 2022

Students are crying holding the teacher who is going on transfer

సోషల్ మీడియా, గూగుల్ వచ్చిన తర్వాత ఈ ఆధునిక కాలంలో గురువులకు గౌరవమిచ్చే విద్యార్ధులు బాగా తగ్గిపోయారు. ఇంతకు ముందు ఏం తెలియాలన్నా గురువే ద్వారా మాత్రమే తెలిసేవి. దాంతో టీచరు, విద్యార్ధుల మధ్య అవినాభావ సంబంధం ఉండేది. ఈ కాలంలో ఇలాంటివి కనిపించడం లేదన్న భావన ఎక్కువైంది. కానీ, దీనికి విరుద్ధంగా యూపీలో ఓ సంఘటన జరిగింది. బదిలీపై వెళ్తున్న తమ టీచరుపై అలవిమాలిన ప్రేమ పెంచుకున్న విద్యార్ధులు..

ఆయనను వెళ్లొద్దంటూ కన్నీరు పెట్టుకున్నారు. రాయ్‌గడ్ చందౌలీ ప్రైమరీ స్కూలులో ఈ అరుదైన సన్నివేశం చోటుచేసుకుంది. నాలుగేళ్ల క్రితం ఈ పాఠశాలలో టీచరుగా వచ్చిన శివేంద్రసింగ్ అనే వ్యక్తి.. పాఠాలు బోధించడంలో తన ప్రత్యేకత చాటారు. పాఠాలు మాత్రమే కాక, ప్రపంచ విషయాలు బోధించేవారు. అంతేకాక, పిల్లలతో కలిసి సమీపంలోని కొండ వద్ద క్రికెట్ ఆడేవారు. ఇలా పిల్లలతో పూర్తిగా మమేకం అవడంతో ఆ స్కూలులో హాజరుశాతం బాగా పెరిగింది. దీంతో టీచరు సేవలను గుర్తించిన ప్రభుత్వం గతంలో జిల్లా స్థాయి అవార్డుతో సత్కరించింది. ఈ క్రమంలో ఆయన సేవలు పక్క జిల్లాలో అవసరమవడంతో ప్రభుత్వం బదిలీ చేసింది. ఈ సందర్బంగా ఏర్పాటు చేసిన వీడ్కోలు కార్యక్రమంలో పైసన్నివేశం కనిపించింది. విద్యార్ధులు ఏడుస్తుండగా, ‘నేను త్వరలో మళ్లీ వస్తా. బాగా చదువుకోండి. మీరంతా బాగుపడడమే నాకు కావాలి’ అంటూ వారిని ఓదార్చారు.