Suicide bombing at Kabul cricket ground
mictv telugu

క్రికెట్ గ్రౌండులో ఆత్మాహుతి దాడి.. బంకర్లలో దాక్కున్న ఆటగాళ్లు

July 30, 2022

తాలిబాన్ల పాలనలో ఉన్న ఆఫ్ఘనిస్థాన్‌లో ప్రతీరోజూ బాంబు పేలుళ్లు జరుగుతున్నాయి. అయితే ఇప్పటివరకు వేర్వేరు ప్రాంతాల్లో బాంబు దాడులు జరుగగా, చరిత్రలో తొలిసారి ఓ క్రికెట్ స్టేడియంలో శుక్రవారం ఆత్మాహుతి బాంబు దాడి జరిగింది. ఆ సమయంలో ష్పగీజా క్రికెట్ లీగ్‌లో భాగంగా పామిర్ జల్మీ, బ్యాండ్ ఎ అమీర్ డ్రాగన్స్ జట్ల మధ్య మ్యాచ్ జరుగుతోంది. ఈ సందర్భంగా అభిమానులు కూర్చున్న స్టాండ్‌లో అకస్మాత్తుగా పేలుడు సంభవించింది. ఊహించని ఈ ఘటనతో అభిమానులు ఆందోళనకు గురై భయంతో పరుగులు పెట్టగా, చాలా మందికి తీవ్రగాయాలైనట్టు సమాచారం. ఈ క్రమంలో అధికారులు అప్రమత్తమై స్టేడియంలో ఉన్న ఆటగాళ్లను సురక్షితంగా బంకర్లలోకి తరలించారు. ఈ ఘటనను కాబూల్ పోలీసులు అధికారికంగా ధృవీకరించగా, ఎలాంటి ప్రాణనష్టం సంభవించలేదని వారు ప్రకటించారు. కాగా, బాంబు పేలినప్పుడు ఐక్యరాజ్యసమితికి చెందిన అధికారులు స్టేడియంలో ఉండడం గమనార్హం.