చర్మం ఆరోగ్యంగా అందంగా ఉండాలంటే శ్రద్ధ పెట్టడం చాలా అవసరం. వేసవికాలం వచ్చిందంటే మరీ ఎక్కువ జాగ్రత్తలు తీసుకోవాలి. చెమట పట్టడం, ట్యాన్ అయిపోవడం, ర్యాషెస్ రావడం ఇలా చాలా సమస్యలు వస్తూ ఉంటాయి. సెన్సిటివ్ స్కిన్ వాళ్ళకి అయితే మరీ ఇబ్బందిగా ఉంటుంది. ఎండా కాలంలో సెన్సిటివ్ స్కిన్ వాళ్ళకి చర్మంపై మంట కలగడం, నొప్పి కలగడం, ఎర్రగా చర్మం అవడం, యాక్ని మొదలైన సమస్యలు వస్తూ ఉంటాయి. ఇలాంటి సమయంలో మరింత శ్రద్ధ పెడుతూ ఉండాలి. ఇలాంటి ఇబ్బందులనుంచి బయటపడాలంటే కొన్ని టిప్స్ ఫాలో అవ్వాల్సిందే.
వేసవికాలంలో మనం లైట్‌గా ఉండే దుస్తులు ధరించడానికి ఇష్టపడతాం. అలానే మనకి చాలా కంఫర్టబుల్‌గా ఉండే బట్టలని వేసుకుంటూ ఉంటాము. అలానే బయటికి వెళ్ళకుండా వీలైనంత వరకు ఇంటిపట్టునే ఉండాలనుకుంటాము. ఒకవేళ బయటకు వెళ్లాల్సి వస్తే చర్మం ఎండకి కమిలి పోతుంది. నిజానికి సెన్సిటివ్ స్కిన్ ఉన్న వాళ్ళు చాలా ఇబ్బందులు ఎదుర్కొంటూ ఉంటారు.ముఖ్యంగా వేసవి కాలంలో సెన్సిటివ్ స్కిన్ వల్ల ఎన్నో ఇబ్బందులు కలుగుతాయి. అటువంటప్పుడు చర్మంలో ఉండే సెబమ్ ని ఎక్కువగా ప్రొడ్యూస్ చేస్తూ ఉంటాయి. దీంతో చర్మం యాక్నికి గురవుతుంది. దీని మూలంగా చర్మం చాలా డల్‌గా మారిపోతుంది. అలాగే యువి కిరణాల కారణంగా మెలనిన్ ప్రొడక్షన్ ఎక్కువగా ఉంటుంది. ఎక్కువగా ఇది ప్రొడ్యూస్ అవడం వల్ల చర్మం డల్‌గా అయిపోతుంది. ఎండా కాలంలో చర్మాన్ని ప్రొటెక్ట్ చేసుకోవాలంటే ఈ కింది వాటిని తప్పకుండా అనుసరించాల్సిందే.
బయటకు వెళ్ళినప్పుడు చర్మాన్ని కవర్ చేసుకోవడం చాలా ముఖ్యం. దీంతో సన్ లైట్ డైరెక్ట్‌గా చర్మంపై పడదు. వీలయితే గొడుగును కూడా పట్టుకెళ్ళడం మంచిది. అలానే ఎండాకాలంలో బయటకు వెళ్ళేటప్పుడు సన్ గ్లాసెస్‌ని కూడా ధరించాలి. పెద్ద టోపీ, పెద్ద టోపీలు కూడా చాలా హెల్ప్ అవుతాయి. ఇలాంటి చిట్కాలు ఫాలో అయితే కాస్త ఇబ్బంది తగ్గుతుంది. పైగా చర్మంపై ఎలాంటి సమస్యలు కలగవు.
వేసవి వచ్చిందంటే చాలా మంది సన్ స్క్రీన్ లోషన్‌ని తప్పక వాడతారు. సన్ స్క్రీన్ లోషన్‌ని రాసుకోవడం వల్ల చాలా సమస్యలు తగ్గుతాయి. అయితే సన్‌స్క్రీన్ లోషన్‌ని కొనుగోలు చేసేటప్పుడు ఎస్పీఎఫ్ 30 లేదా అంత కంటే ఎక్కువ ఉన్న దాన్ని కొనుగోలు చేయాలి. అలాంటివే మన చర్మాన్ని సంరక్షిస్తాయి.అదే విధంగా సన్‌స్క్రీన్ లోషన్‌ని బయటికి వెళ్లినప్పుడు మాత్రమే కాకుండా ఇంట్లో ఉన్నప్పుడు కూడా అప్లై చేసుకోండి. సన్‌స్క్రీన్ లోషన్ వాడటం వల్ల చర్మ సమస్యలు ఉండవు. అలాగే చర్మానికి ప్రొటెక్షన్ ఉంటుంది. సన్‌స్క్రీన్ లోషన్‌ని స్క్రీన్స్ ముందు పని చేసేటప్పుడు వాడితే కూడా మంచిది. స్క్రీన్స్ ముందు పని చేసుకునేటప్పుడు రెగ్యులర్‌గా సన్ స్క్రీన్ లోషన్ అప్లై చేసుకుంటే డార్క్ సర్కిల్స్ మొదలైన స్కిన్ సమస్యలు వుండవు. కాబట్టి ఈ చిట్కాని కూడా ఫాలో అవుతూ వుండండి.
హైడ్రేట్‌గా ఉండడం :
చర్మం ఆరోగ్యంగా ఉండాలంటే హైడ్రేట్‌గా ఉండటం కూడా చాలా ముఖ్యం. నీళ్ళు ఎక్కువగా తీసుకుంటూ ఉండాలి. వేసవిలో చెమట ఎక్కువ పడుతుంది దీంతో ఎక్కువ నీళ్ళు ఒంట్లో నుంచి వెళ్ళిపోతాయి. కాబట్టి ప్రతి రోజూ ఏడు నుండి ఎనిమిది గ్లాసుల నీళ్ళు తాగుతూ ఉండండి. ఇలా చేయడం వల్ల హైడ్రేట్‌గా ఉండొచ్చు. అదే విధంగా వేసవిలో కూరగాయలు పండ్లు కూడా ఎక్కువగా తీసుకోండి. ముఖ్యంగా నీళ్ళు ఎక్కువగా ఉండే ఆహార పదార్థాలను తీసుకుంటూ ఉండండి. ఇలా చేయడం వల్ల కూడా మీ చర్మం హైడ్రేట్ గా ఉంటుంది.
సెన్సిటివ్ స్కిన్ వాళ్ళు వేసవికాలంలో ముఖాన్ని ఒకసారి కంటే ఎక్కువ సార్లు కడుక్కోవడం కూడా మంచిదే. కాలుష్యం కారణంగా చర్మానికి ఇబ్బంది కలిగే అవకాశం ఉంటుంది. అలాంటప్పుడు ముఖాన్ని తరచూ కడుక్కుంటూ ఉండాలి. ఎక్కువ కెమికల్స్ ను ఉపయోగించద్దు. కెమికల్స్ ఉండే వాటిని ఎక్కువగా వాడడం వల్ల ఎలర్జీలు వంటి సమస్యలు కలుగుతాయి. అదే విధంగా హార్ష్ స్క్రబ్ వంటి వాటికి దూరంగా ఉండండి. ఇది కూడా చాలా ముఖ్యం. కాబట్టి తప్పని సరిగా వీటిని కూడా ఫాలో అవుతూ ఉండండి.
మాయిశ్చరైజర్లు ఉపయోగించేటప్పుడు వాటర్ బేస్డ్ మాయిశ్చరైజర్‌ని ఉపయోగించాలి. చర్మానికి వేసవి కాలంలో ఇది చక్కటి ప్రయోజనం ఇస్తుంది.ఇలా చేస్తే చర్మం పగిలిపోదు. అలాగే వేసవి కాలంలో వీలైనంత వరకు నీడనే ఉండడం మంచిది. ఏవైనా పనులు ఉంటే ఎండ లేనప్పుడు చేసుకోవాలి. అంతే కానీ అనవసరంగా ఎండలో శ్రమ పడకండి. కొంచెం శ్రద్ధ తీసుకుంటే అందంగానే కాదు ఆరోగ్యంగానూ ఉండొచ్చు.
