Supreme Court Dismisses Plea To Increase Smoking Age To 21
mictv telugu

‘పబ్లిసిటీ కావాలనుకుంటే ఇంకేదైనా కేసు వాదించండి.. ఇది కాదు’

July 22, 2022

ధూమపానం(స్మోకింగ్) చేయడానికి ప్రస్తుతం ఉన్న కనీస వయసును 18 నుంచి 21 ఏళ్లకు పెంచేందుకు సుప్రీంకోర్టు నిరాకరించింది. లూజ్ సిగరెట్లపై నిషేధానికి విముఖత వ్యక్తం చేసింది. ఇద్దరు అడ్వకేట్లు వేసిన ఈ పిటిషన్లను ఎస్‌కే కౌల్, సుధాన్షు ధులియాలతో కూడిన డివిజన్ బెంచ్ తోసిపుచ్చింది.

”మీరు పబ్లిసిటీ కోరుకుంటే మంచి కేసు వాదించండి. అంతేకానీ పబ్లిసిటీ ఇంట్రెస్ట్ లిటిగేషన్ ఫైల్ చేయకండి” అని కోర్టు వ్యాఖ్యానిస్తూ పిటిషన్లను తోసిపుచ్చింది. ధూమపానాన్ని అదుపు చేసేందుకు నియమనిబంధనలు విధించాలని కోరుతూ న్యాయవాదులు సుభా అవస్థి, సప్త రిషి మిక్రా వేసిన ప్రజా ప్రయోజనాల వ్యాజ్యంపై అత్యున్నత న్యాయస్థానం విచారణ జరిపింది. వాణిజ్య ప్రాంతాల వద్ద స్మోకింగ్ జోన్‌లను తొలగించాలని, విద్యా సంస్థలు, ఆరోగ్య కేంద్రాలు, ఆరాధానా స్థలాల వద్ద లూజ్ సిగరెట్ సేల్స్‌ను నిషేధిస్తూ ఆదేశాలివ్వాలని పిటిషనర్లు తమ పిల్‌లో కోర్టును కోరారు.