Team India batting in the first T20 match against Sri Lanka
mictv telugu

శ్రీలంకతో మొదటి టీ20.. రెండు వికెట్లు కోల్పోయిన భారత్

January 3, 2023

శ్రీలంకతో ముంబైలోని వాంఖడే స్టేడియంలో జరుగుతున్న మొదటి టీ20లో భారత్ టాస్ ఓడి బ్యాటింగ్‌కి దిగింది. ఓపెనర్లుగా శుభ్‌మన్ గిల్, ఇషాన్ కిషన్ బరిలోకి దిగగా, గిల్ 7 పరుగుల వద్ద ఎల్బీగా వెనుదిరిగాడు. అనంతరం మొదటి డౌన్‌లో వచ్చిన మిస్టర్ 360 డిగ్రీస్ సూర్యకుమార్ యాదవ్ కూడా 7 పరుగులే చేసి కరుణరత్నే బౌలింగులో పెవిలియన్ బాట పట్టాడు. ప్రస్తుతం భారత్ స్కోరు 6 ఓవర్లలో రెండు వికెట్ల నష్టానికి 41 పరుగులుగా ఉంది. ఇక రెండో మ్యాచ్ జనవరి 5న, మూడో టీ20 జనవరి 7న జరుగుతాయి. కాగా, ఈ మ్యాచులో సీనియర్లు రోహిత్, కోహ్లీ, రాహుల్‌లకు విశ్రాంతి ఇవ్వగా శివంమావి, శుభ్ మన్ గిల్, సంజూ శామ్సన్ కొత్తగా జట్టులోకి వచ్చారు. ప్రస్తుతం క్రీజులో ఇషాన్ కిషన్ 24 (20 బంతులు), సంజు శాంసన్ మూడు పరుగులతో ఉన్నారు.