Technospark 9T smartphone release with 50 MP camera
mictv telugu

పదివేలకే స్మార్ట్‌ఫోన్.. 50 ఎంపి కెమెరాతో టెక్నోస్పార్క్ 9టీ విడుదల

July 28, 2022

Technospark 9T smartphone release with 50 MP camera

భారత స్మార్ట్‌ఫోన్ మార్కెట్‌లో కొత్త మొబైల్ గురువారం విడుదలయింది. మధ్యతరగతి వారిని ఆకట్టుకునేలా పదివేల లోపు ధరతో టెక్నోస్పార్క్ 9 సిరీస్‌లో మరో మొబైల్ చేరింది. 50 మెగా పిక్సెల్ కెమెరా, 5000 mah బ్యాటరీ, 18 వాట్ల ఫాస్ట్ చార్జింగ్ సదుపాయాలు ఈ ఫోన్ ప్రత్యేకతలు. మీడియాటెక్ హీలియో ప్రాసెసర్‌పై రన్ అయ్యే ఈ ఫోనులో ర్యామ్‌ను వర్చువల్‌గా పొడిగించుకునే అవకాశం ఉంది.

4 జీబీ ర్యామ్, 64 జీబీ మొమోరీ ఉండే ఈ ఫోన్ ధర రూ. 9299గా కంపెనీ నిర్ణయించింది. ఈ కామర్స్ సైట్లయిన అమెజాన్, ఫ్లిప్‌కార్ట్‌లలో ఆగస్టు 5 నుంచి అందుబాటులోకి వస్తుంది. వెనుకు 50 ఎంపీ కెపాసిటీతో మూడు కెమెరాలు, ముందు 8 ఎంపీ సెల్ఫీ కెమెరా ఉంది. పవర్ బటన్‌కే ఫింగర్ ప్రింట్ స్కానర్‌ను పొందుపరిచింది. ఆండ్రాయిడ్ 11 బేస్డ్ Hios7.6 ఓఎస్‌తో పనిచేస్తోంది. ఫుల్ హెచ్‌డీ, రెజల్యూషన్ ఉన్న ఈ ఫోను 6.6 ఇంచుల డిస్‌ప్లే కలిగి ఉంది.