Telangana new secretariat opening date fixed
mictv telugu

తెలంగాణ కొత్త సచివాలయ ప్రారంభానికి డేట్ ఫిక్స్

November 28, 2022

Telangana new secretariat opening date fixed

తెలంగాణ ప్రభుత్వం ప్రతిష్టాత్మకంగా చేపట్టిన కొత్త సచివాలయం దాదాపు పనులు పూర్తయ్యాయి. ప్రారంభ తేదీని కూడా ప్రభుత్వం వెల్లడించింది. 2023, జనవరి 18 వ తేదీన కొత్త సచివాలయం ప్రారంభం కానుంది. ఆ రోజు సీఎం కేసీఆర్ 6వ అంతస్తులోని ముఖ్యమంత్రి బ్లాకును ప్రారంభించి తన చాంబర్లో విధులు కొనసాగిస్తారు.

ఆ రోజు నుంచి ప్రభుత్వ కార్యకలాపాలు అక్కడి నుంచే మొదలవుతాయి. మిగిలిన అరకొర పనులు ఆ రోజుకల్లా పూర్తి చేయాలని నిర్మాణ కాంట్రాక్టును దక్కించుకున్న షాపూర్జీ పల్లోంజీ కంపెనీని ప్రభుత్వం ఆదేశించింది. పాత సచివాలయాన్ని కూలగొట్టి అక్కడే కొత్తది కట్టారు. దీని వాస్తులో తెలంగాణ చరిత్ర, విభిన్న సంస్కృతులను ప్రతిబింబించారు. మొత్తం భవనం వైశాల్యం దాదాపు 7 లక్షల చదరపు అడుగులు. ఈ భవనంలో 3 అంతస్తుల అరైవల్ గ్రాండ్ పోర్టికో, 15 అడుగుల ఎత్తయిన ఎంట్రీ పోడియం ఉన్నాయి. 650 కార్లు, 500 ద్విచక్ర వాహనాలు పట్టేలా పార్కింగ్ ప్రదేశాన్ని ఏర్పాటు చేశారు. బ్యాంకు, ఏటీఎం, పెట్రోల్ బంకు, డిస్సెన్సరీ వంటి సకల సదుపాయాలూ ఉన్నాయి.