వావ్.. వజ్రాల విమానం.. అందరి కళ్లూ దానిపైనే  

అరబ్ దేశాలు ధనిక దేశాలని అందరికీ తెలుసు.. కోటాను కోట్లకు అధిపతులు, ఆకాశాన్నిఅంటే భవనాలు వాటి సొంతం. తాజాగా యునైటెడ్ అరబ్ ఎమిరేట్స్(యూఏఈ)కి చెందిన ఎమిరేట్స్  విమానయాన సంస్థ చేసిన ఓ పోస్ట్ ఇప్పుడు సోషల్ మీడియాను షేక్ చేస్తోంది. ఇంతకు అదేంటో తెలుసా ? వజ్రాలతో మిలమిల మెరిసిపోయే విమానానికి సంబంధించిన ఓ ఫొటో.

అమ్మో వజ్రాల విమానమా? దాని ఖరీదెంతో? ఇంతకు అది ఎక్కడుంది? అందులో ప్రయాణించాలంటే ఎంత ధర అవుతుందోనని ఆలోచిస్తున్నారు కదా .. ఆగండాగండి అది నిజంగా వజ్రాల విమానం కాదు. కేవలం ఫోటో మాత్రమే. ఈ విషయాన్ని అరబ్ ఎమిరేట్స్ సంస్థనే ఓ ప్రకటన ద్వారా వెల్లడించింది.

ఈ ఫోటోను పోస్ట్ చేసిన ఎమిరేట్స్ సంస్థ ‘బ్లింగ్’ 777 ఇమేజ్ క్రియేటెడ్ బై సారా షకీల్’ అంటూ ట్వీట్ చేసింది. ఇది కేవలం ఫోటో మాత్రమే. మొదట ఫోటోను చూసిన నెటిజన్లు నిజంగానే వజ్రాల విమానం అని భావించారు. ఆ తర్వాత పక్కనే ఉన్న క్యాప్షన్ ను చూసి కొంత నిరాశకు గురయ్యారు. ఈ చిత్రాన్ని ప్రముఖ క్రిస్టల్ ఆర్టిస్ట్ సారా షకీల్ ఈ అద్భుత చిత్రాన్ని రూపొందించి.. తన ఇన్‌స్టాగ్రామ్‌లో పోస్ట్ చేశారు. ఇది చూసిన ఎమిరేట్స్ సంస్త ఆమె అనుమతి తీసుకొని ఈ ఫొటోను రీపోస్టు చేశారు. ఈ విషయాన్ని సదరు అధికారి మీడియాకు వెల్లడించారు.

Telugu News Arab Emirates Post Diamonds Flight Photo In Twitter