పసిపిల్లపై గ్యాంగ్‌రేప్.. తల్లిని చేసి.. - MicTv.in - Telugu News
mictv telugu

పసిపిల్లపై గ్యాంగ్‌రేప్.. తల్లిని చేసి..

March 24, 2018

కామాంధుల ఆగడాలు రోజురోజుకి పెరిగిపోతున్నాయి తప్ప తగ్గటంలేదు. చట్టాలు ఎంత కఠనతరం అయినా మగాళ్ళ మృగత్వాన్ని అణచలేకపోతున్నాయి. మైనర్ బాలిక అనికూడా చూడకుండా ఆరుగురు మృగాళ్ళు బాలికను చెరిచి తల్లిని చేశారు.

రాజస్తాన్ రాజ్‌కోట్‌కు చెందిన 11 ఏళ్ల బాలిక ప్రభుత్వ పాఠశాలలో చదువుకుంటూనే ఇరుగుపొరుగు ఇళ్ళల్లో పనిచేస్తూ జీవనం కొనసాగిస్తోంది. ఆ ఇళ్ళల్లో పని చేస్తున్న ఆరుగురు మృగాళ్ళ కళ్ళకు ఆ బాలికలో పసితనం కనిపించలేదు. ఇద్దరైతే బాలికకు తాత వయసులో వుంటారు. గత 9 నెలలుగా ఆ బాలికపై ఆరుగురు కలిసి అత్యాచారం చేశారు. ఈ విషయం బయటకు చెప్తే చంపేస్తామని బెదిరించారు. దీంతో ఆ బాలిక వాళ్ళకు భయపడి ఈ విషయం బయటకు చెప్పలేదు. ఇలావుండగా క్రమంగా బాలిక ఆరోగ్యంలో మార్పులు రాసాగాయి.

ఇది గమనించిన బాలిక తల్లి మార్చి 8న ఆసుపత్రికి తీసుకెళ్ళిగా అప్పటికే బాలిక 8 నెలల గర్భవతి అని తేలింది. కూతురిని నిలదీసిన తల్లికి వారి పేర్లు చెప్పింది. దీంతో పోలీసులకు ఫిర్యాదు చేసింది తల్లి. వెంటనే రంగప్రవేశం చేసిన పోలీసులు నిందితులను అదుపులోకి తీసుకొని విచారిస్తున్నారు. కాగా ఈనెల 17న బాలిక ఆడశిశువుకి జన్మనిచ్చింది. కానీ పుట్టిన పాపకు వెన్నెముక లోపం, పక్షవాతం రావడంతో శిశువు ఆరోగ్య పరిస్థితి విషమంగా ఉందని రాజ్‌కోట్ ప్రభుత్వాసుపత్రి వైద్యుడు కమల్‌ గోస్వామి తెలిపారు. ప్రస్తుతం తల్లి క్షేమంగానే వుందని చెప్పారు. ఇదిలావుండగా ‘ ఆ బిడ్డను ఎలాగైనా కాపాడండి.. కానీ మాకు ఆ బిడ్డ వద్దు ’ అంటున్నారు బాలిక తరుపు బంధువులు.