శిష్యుడిది తప్పు.. గురువుది మహాతప్పు.. - MicTv.in - Telugu News
mictv telugu

శిష్యుడిది తప్పు.. గురువుది మహాతప్పు..

February 6, 2018

విద్యాబుద్దులు నేర్పాల్సిన  పంతులే బుద్దిలేని పని చేశాడు. తెలిసీ తెలియని తనంతో పిల్లాడు జ్యూస్‌లో మూత్రం పోస్తే..అది తప్పు అని సామరస్యంగా చెప్పేది పోయి, ఆ పిల్లాడి చేతే   ఆ మూత్రం కలిసిన పళ్లరసాన్నే తాగించాడు. ప్రకాశం జిల్లా చీరాలలోని ఎన్‌పీఆర్ విద్యా కాన్సెప్ట్ స్కూల్‌లో ఈ అమానవీయ ఘటన జరిగింది.

ఒకటో తరగతి చదువుతున్న ఓబాలుడు తోటి విద్యార్ధిని తెచ్చుకున్న  జ్యూస్‌లో మూత్రం పోశాడు.  అది గమనించిన విద్యార్ధిని  ఆ విషయం టీచర్ శ్యాంసన్‌కు  చెప్పింది.  దీనితో ఆగ్రహానికి గురైన టీచర్  వెంటనే  మూత్రం కలిసిన జ్యూస్‌ని  ఆ బాలుడితోనే  బలవంతంగా  తాగించాడు. సాయంత్రం ఇంటికి వెళ్లిన బాలుడు ఈవిషయాన్ని తల్లిదండ్రులకు చెప్పాడు.  

దీనితో  ఆ టీచర్‌పై  పోలీసులుకు విద్యార్ధి తల్లిదండ్రులు ఫిర్యాదు చేశారు.   కేసు నమోదు చేసిన  పోలీసులు  ఆ టీచర్‌ను అరెస్ట్ చేశారు.  పిల్లలు తెలిసీ తెలయని తనంతో  అల్లరి చేస్తారు. ఇది తప్పు ఇది ఒప్పు అని చెప్పాల్సిన టీచర్లే  ఇలా  విచక్షణ కోల్పోయి  ఇలాంటి పనులు చెయ్యడం ఏందని  తోటి ఉపాధ్యాయులు ఆ టీచర్‌పై  మండిపడుతున్నారు.