చిన్నారిని రేప్ చేసి, సజీవంగా పాతిపెట్టి..  - MicTv.in - Telugu News
mictv telugu

చిన్నారిని రేప్ చేసి, సజీవంగా పాతిపెట్టి.. 

September 11, 2017

ఆడవాళ్ళ మీద అత్యాచారాలు ఆగటం లేదు. మగాళ్ళు మృగాళ్ళు అవుతున్నారు. ఎన్ని చట్టాలు వచ్చినా ఎక్కడోచోట ఏదో ఒక మహిళ అత్యాచారానికి గురౌతూనే వుంది. తాజాగా కర్ణాటక రాష్ట్రం బెలగావి జిల్లాలో మరో దారుణం జరిగింది. అభం శుభం తెలియని రెండునరేళ్ళ పసిపాప అని కూడా చూడకుండా సుభాష్ మహదేవ్ నైకర్ అనే కామాంధుడు ఆ పాపపై అత్యాాచారానికి పాల్పడ్డాడు. స్కూలు దగ్గర ఆడుకుంటున్న పాపకు మాయమాటలు చెప్పి స్కూలు భవనం వెనకకు తీసుకెళ్ళి బలాత్కారం చేసి తీవ్రంగా గాయపరిచాడు.  అక్కడితో వూరుకోకుండా పాప చనిపోయిందనుకుని అక్కడే గొయ్యి తవ్వి పరారయ్యాడు. పాప తల్లిదండ్రులు తమ కూతురు ఆడుకుంటూ ఇంకా ఇంటికెందుకు రాలేదని ఊరంతా వెదికారు. పాపను పాతి పెట్టిన చోట అనుమానించిన పాప తండ్రి అక్కడ తవ్వాడు. గోతిలో పాప ఇంకా చనిపోకుండా కొన ఊపిరితో కనిపించింది. వెంటనే హాస్పిటల్ కు తీసుకెళ్ళారు. తీవ్ర రక్తస్రావమైన పాప బతుకుతుందో లేదో తెలియదని డాక్టర్లు అంటున్నారు. వెంటనే సమాచారం అందుకున్న పోలీసులు రంగ ప్రవేశం చేసి అసలు నిందితుణ్ని పట్టుకున్నారు.