The center announced the Padma awards.. Chinaziar and Keeravani are in the list
mictv telugu

తెలంగాణ విద్యార్ధులకు గుడ్‌న్యూస్.. ఇంటర్‌లో కొత్త గ్రూప్

January 25, 2023

Telangana has newly added CEA group in Intermediate

తెలంగాణ ఇంటర్ కోర్సుల్లో కొత్త గ్రూప్ అందుబాటులోకి రానుంది. వచ్చే విద్యాసంవత్సరం (2023-2024) నుంచి కొత్త కోర్సును ప్రవేశపెడుతున్నట్టు ఇంటర్ బోర్డు సెక్రటరీ వెల్లడించారు. ‘సీఈఏ’ అనే పేరుతో ఈ కొత్త గ్రూప్ ఉంటుందని, ఇందులో అకౌంట్స్‌తో పాటు కామర్స్, ఎకనామిక్స్ సబ్జెక్ట్స్ ఉంటాయని తెలిపారు. మారుతున్న కాలానుగుణంగా ఇంటర్ స్థాయిలోనే ఉద్యోగ నైపుణ్యాన్ని పెంచుకునే దిశగా ఈ నిర్ణయం తీసుకున్నట్టు ఆయన పేర్కొన్నారు. కాగా, ఇంటర్‌లో ఇప్పటివరకు బైపీసీ, ఎంపీసీ, సీఈసీ, హెచ్‌ఈసీ, ఎంఈసీ గ్రూపులు ఉన్నాయి. తాజాగా సీఈఏ గ్రూప్ రావడంతో గ్రూపుల సంఖ్య ఆరుకు చేరింది. అటు ఈ అకౌంట్స్ కోర్సు సీబీఎస్ఈ, ఐసీఎస్ఈ బోర్డుల్లో 11, 12 తరగతుల వారికి ఎప్పటినుంచో అందుబాటులో ఉంది. దీంతోపాటు సీఈసీ, ఎంఈసీ గ్రూపుల్లో ఉన్న కామర్స్ సబ్జెక్ట్ పేరును కూడా వచ్చే విద్యా సంవత్సరం నుంచి కామర్స్ అండ్ అకౌంటెన్సీగా మారుస్తున్నారు.