The smalllest, les population country-sealand
mictv telugu

పేరుకు దేశం, ఉండేది మాత్రం 27 మంది

November 19, 2022

The smalllest, les population country-sealand,

అదో వింత దేశం. అసలు దాని గురించి చాలా మందికి తెలియనే తెలియదు కూడా. కానీ అలా ఒక దేశం ఉంది. దాంట్లో మనుషులూ ఉన్నారు. అదే ఇక్కడ విచిత్రం. మామూలుగా ఒక ఊరు అంటేనే వందలు లేదా వేలల్లో మనుషులు ఉంటారు. అలాంటిది పదుల్లో మాత్రమే మనుషులు అది కూడా వేళ్ళపైన లెక్కపెట్టగలిగేంత. పైగా ఉంటున్నది దేశంలో.

యునైటెడ్‌ కింగ్‌డమ్‌లోని సఫోక్‌ సముద్ర తీరానికి దాదాపు పన్నెండు కిలోమీటర్ల దూరంలో ఏర్పడిన వింతదేశం పేరు ‘సీలాండ్‌’. సముద్రంలో ఏర్పాటు చేసిన రెండు భారీ స్తంభాలపై పూర్తిగా మానవ నిర్మిత ప్రదేశం ఇది. ఒక మానవ నిర్మిత ప్రదేశమే దేశంగా ఏర్పడటం దీని ప్రత్యేకత. ఇది 1967 సెప్టెంబర్‌ 2న ప్రత్యేక దేశంగా ఆవిర్భవించింది. రెండో ప్రపంచయుద్ధం జరుగుతున్నప్పుడు 1943లో అప్పటి యూకే ప్రభుత్వం సముద్రం మధ్య రెండు భారీ రాతి స్తంభాలను కలుపుతూ ఇక్కడ తన రక్షణ అవసరాల కోసం కోటను నిర్మించుకుంది.

The smalllest, les population country-sealand,

యుద్ధం ముగిశాక ఖాళీగా మిగిలిన ఈ కోటకు జాక్‌ మూరే, అతని కూతురు జేన్‌ చేరుకున్నారు. వాళ్లిద్దరూ ‘వండర్‌ఫుల్‌ రేడియో లండన్‌’ అనే పైరేట్‌ రేడియో స్టేషన్‌ తరఫున ఇక్కడకు వచ్చారు. ఆ పైరేట్‌ రేడియో స్టేషన్‌ అధినేత ప్యాడీ రాయ్‌ బేట్స్‌ 1967 సెప్టెంబర్‌ 2న ఈ కోటను ఆక్రమించుకుని, ప్రత్యేక దేశంగా ప్రకటించుకున్నాడు. ఈ దేశానికి ప్రత్యేక కరెన్సీ, జెండా, జాతీయగీతం కూడా ఉన్నాయి. ఈ దేశం తన పౌరులకు పాస్‌పోర్టులూ ఇస్తోంది. కానీ ఈ దేశ జనాభా 27 మంది మాత్రమే. అందులోనూ ప్యాడీ రాయ్ బేట్స్ కుటంబ సభ్యులే ఎక్కువ మంది ఉంటారు కూడా.

అయితే ఈ మధ్య కాలంలో ఈ దేశానికి కొంత పేరు వచ్చింది బయట జనాలకు దీని గురించి తెలిసింది. విచిత్రంగా ఉండడంతో ఇక్కడకు టూరిజం మొదలైంది. సీలాండ్ లో ఉండేది 27మంది మాత్రమే అయినా ఇక్కడకు వచ్చి, ఈ దేశాన్ని చూసి వెళ్ళే జనాభా మాత్రం రోజురోజుకూ పెరుగుతోంది.