నేటికాలంలో జిజీలైఫ్ ఎక్కువైంది. కొందరు తినేందు కూడా సమయం కేటాయించడం లేదు. ఈ జీవనశైలి వల్ల మానసిక, శారీరక ఆరోగ్యాన్ని ప్రభావితం చేసే సమస్యలెన్నో తలెత్తుతున్నాయి. ఒత్తిడి పెరిగిపోతోంది. మానసికంగానే కాదు..శారీరకంగానూ ఇబ్బందులకు కారణం అవుతుంది. వ్యాయామం, ధ్యానం చికిత్సలతోపాటు ఒత్తిడిని తగ్గించుకునేందుకు ఎన్నో మార్గాలు ఉన్నాయి. ఒత్తిడిని తగ్గించుకునేందుు ఆహారం కీలక పాత్ర పోషిస్తందంటున్నారు ఆరోగ్య నిపుణులు. సరైన ఆహారం తీసుకుంటే మన శరీరానికి పోషణతోపాటు మన మనస్సుపై ప్రశాంతమైన ప్రభావం ఉంటుందని చెబుతున్నారు. ఒత్తిడిని తగ్గించుకోవాలంటే తీసుకోవల్సిన ఆహార పదార్థాలేంటో తెలుసుకుందాం.
సెరోటోనిన్పెంచే ఆహారాలు:
సెరోటోనిన్ అనేది ఒక న్యూరోట్రాన్స్ మీటర్. మన మానసిక స్థితిని, ఆకలి, నిద్రను ఇది నియంత్రిస్తుంది. మెదడులో సెరోటోనిన్గా మారిన అమైనో ఆమ్లం ట్రిప్టోఫాన్ ఉన్న ఆహారాలను తినడం వల్ల సెరోటోనిన్ స్థాయిలను పెంచుతుంది. టర్కీ, చికెన్, గుడ్లు, కాయలు, విత్తనాలు వంటి ఆహారాల్లో ట్రిప్టోఫాన్ పుష్కలంగా లభిస్తుంది. అంతేకాదు సెరోటోనిన్ స్థాయిలను పెంచడానికి తృణధాన్యాలు, పండ్లు, కూరగాయలు ఎంతగానో సహాయపడతాయి.
యాంటీ ఆక్సిడెంట్లు:
యాంటీ ఆక్సిడెంట్లు శరీరాన్ని ఆక్సీకరణ ఒత్తిడి నుంచి కాపాడుతాయి. ఈ ఆక్సికరణ ఒత్తిడి దీర్ఘకాలిక వ్యాధులు, మంటకు కారణం అవుతుంది. ఒత్తిడి శరీరంలో ఫ్రీ రాడికల్స్ ను పెంచడంతోపాటు, కణాలు, కణజాలాలకు తీవ్రనష్టం కలిగిస్తుంది. అయితే యాంటీ ఆక్సిడెంట్లు పుష్కలంగా ఉన్న ఆహారాన్నితీసుకున్నట్లయితే ఫ్రీ రాడికల్స్ ను ప్రభావాన్ని చాలా వరకు తగ్గించొచ్చు. బెర్రీలు, డార్క్ చాక్లెట్, ఆకుకూరలు, గింజలు వంటి ఆహారాల్లో యాంటీ ఆక్సిడెంట్లు పుష్కలంగా ఉంటాయి.
సమయానికి భోజనం చేయాలి:
సమయానికి భోజనం చేయనివారిలో రక్తంలో చక్కెర స్థాయిలు చాలా తగ్గుతాయి. ఇది మూడ్ స్వింగ్స్ తోపాటు చికాకను కలిగిస్తాయి. అందుకే క్రమం తప్పకుండా మంచి పోషకాలు ఉన్న ఆహారం తీసుకోవాలి. ఇలా సమయం ప్రకారం భోజనం చేసినట్లయితే రక్తంలో చక్కెర స్థాయిలు నియంత్రణలో ఉంటాయి. ఇది మీ మానసిక స్థితి మార్పులను నివారిస్తుంది. అందుకే ఉదయం అల్పాహారం తప్పనిసరిగా తినాలి. ఇది జీవక్రియను ప్రారంభిస్తుంది. రోజంతా మిమ్మల్ని శక్తివంతంగా ఉంచుతుంది.
కెఫిన్ కు దూరంగా:
కెఫిన్ మన శరీరానికి శక్తిని ఇస్తుంది. కానీ మోతాదుకు మించితే ఒత్తిడి, ఆందోళన వంటి సమస్యలు తీవ్రం అవుతాయి. అందుకే కెఫిన్ ను మోతాదుకు మించి తీసుకోకూడదు. ముఖ్యంగా మధ్యాహ్నం, సాయంత్రం అస్సలు తీసుకోకూడదు. ఎందుకంటే ఇవి నిద్రకు ఆటంకం కలిగిస్తాయి.
హైడ్రేటెడ్ గా ఉండాలి:
నిర్జలీకరణం వల్ల అలసట, మూడ్ స్వింగ్స్, చికాకు వంటి సమస్యలు ఇబ్బంది పెడతాయి. మీ బాడీని హైడ్రేట్ గా ఉంచడానికి, రోజంతా పుష్కలంగా నీటిని తాగాలి. చక్కెర పానీయాలు, ఆల్కహాల్ తీసుకోవడం చాలా వరకు తగ్గించాలి. ఎందుకంటే ఇవి నిద్రకు ఆటంకం కలిగిస్తాయి.
