Thieves seeks apology with folded hands ahead of theft in temple, video surfaces
mictv telugu

‘కాళీమాతా.. క్షమించమ్మా..’ గుళ్లో నగలు కాజేసిన దొంగలు

January 26, 2023

Thieves seeks apology with folded hands ahead of theft in temple, video surfaces

ఆలయాల్లో దొంగతనాలు చేసే వాళ్లకి దేవుడంటే భయం ఉండదు అందుకే ఇలా చేస్తారు అనుకుంటాం. కానీ ఈ దొంగలకి మాత్రం అమ్మవారు అంటే చాలా భయం. అయినా సరే ఆలయంలో దొంగతనం చేయాలనుకున్నారు. తాము చేపట్టబోయే కార్యాన్ని ఆశీస్సులు కావాలని, చేస్తున్న పనికి క్షమాపణలు అడిగి మరీ వేడుకున్నారు. ఉత్తర్ ప్రదేశ్‌లోని మా కాళీ మహాదేవ్ జీ అక్షయ్ మందిర్లో ఈ చోరీ జరిగింది.

సోమవారం రాత్రి ఇద్దరు దొంగలు చోరీకి పాల్పడ్డారు. వారు దొంగతనం చేసిన ఘటన మొత్తం సీసీటీవీలో రికార్డైంది. దొంగలు ముందుగా కాళీమాతకు దండం పెట్టుకుని.. క్షమించమని మొక్కి మరీ దొంగతనం చేసినట్లు వీడియోలో కనిపిస్తోంది. ఆ తరువాత హుండీలోంచి డబ్బు, వస్తువులు చోరీ చేశారు. దొంగలు గుడి తలుపులు విరగొట్టి లోపలికి వెళ్లినట్లు ఆలయ సిబ్బంది తెలిపారు. నాలుగు బంగారు ఉంగరాలు, ఒక వెండి ఉంగరం, ఓ నెక్లెస్, రూ.వెయ్యి నగదు మాయం చేసినట్లు తెలిసింది. ఈ ఘటనపై పోలీసులకు ఫిర్యాదు చేయగా.. దర్యాప్తు ప్రారంభించారు.