ప్రముఖ వాహన దిగ్గజం టయోటా దేశీయ మార్కెట్లో సరికొత్త కారును రిలీజ్ చేసింది. ఈ సరికొత్త కారును టయోటా ల్యాండ్ క్రూయిజర్ 300 అని పిలుస్తున్నారు. ఇప్పటి వరకు ఇండియాలోని బ్రాండ్ నుంచి వచ్చిన అత్యంత ఖరీదైన కారుగా సంస్థ పేర్కొంది. ఈ కారును బుక్ చేసుకునేందుకు కస్టమర్లు రూ. 10లక్షలు చెల్లించాల్సి ఉంటుంది. ఈ కారు ధర రూ. 2.17కోట్లు ( ఎక్స్ షోరూమ్). పలు మీడియా నివేదికల ప్రకారం ఈ కారులోని ఫీచర్ల కారణంగా దాని మొదటి బ్యాచ్ కార్లు పూర్తిగా బుక్ అవ్వగా..రెండవ బ్యాచ్ కోసం త్వరలోనే బుకింగ్స్ ప్రారంభించాలని కంపెనీ భావిస్తున్నట్లు పేర్కొన్నాయి.
శక్తివంతమైన డీజిల్ ఇంజిన్:
ఈ కొత్త టయోటా ల్యాండ్ క్రూయిజర్ 300ఎస్ యూవీ డీజిల్ ఇంజన్ ఆప్షన్ లో రిలీజ్ చేశారు. 3.3లీటర్ టర్బోచార్జ్డ్ వి6 ఇంజన్ ఆప్షన్ ఉంది. ఇది 305bhp గరిష్ట శక్తిని, 700Nm గరిష్ట టార్క్‌ను ఉత్పత్తి చేయగలదు. అదే సమయంలో, ఈ SUV ట్రాన్స్‌మిషన్ కోసం 10-స్పీడ్ ఆటోమేటిక్ గేర్‌బాక్స్‌తో అమర్చబడింది. దీని V6 పెట్రోల్ ఇంజన్ ఓవర్సీస్ మార్కెట్లో కూడా ఉండటం గమనించదగ్గ విషయం. దీని కారణంగా, BS6 ప్రమాణాలను దృష్టిలో ఉంచుకుని, దాని పెట్రోల్ వెర్షన్‌ను భారతదేశంలో కూడా చూడవచ్చని ఊహాగానాలు చేస్తున్నారు.
అద్భుతమైన ఫీచర్లు:
ఈ సరికొత్త టయోటా ల్యాండ్ క్రూయిజర్ 300 SUVలో అద్బుతమైన ఫీచర్లు ఉన్నాయి. ఎక్స్‌టీరియర్ డిజైన్‌లో అప్‌డేట్ చేయబడిన ఫ్రంట్ గ్రిల్, స్లీకర్ లుకింగ్ హెడ్‌ల్యాంప్‌లతో పాటు అప్‌డేట్ చేయబడిన టెయిల్‌ల్యాంప్‌లు, స్క్వేర్డ్ ఆఫ్ వీల్ ఆర్చ్‌లు A-D-పిల్లర్‌లకు ప్రధాన మార్పులు ఉన్నాయి.
ల్యాండ్ క్రూయిజర్ క్యాబిన్‌లో ముందుగా గుర్తించదగినది దాని బాడీ-ఆన్-ఫ్రేమ్ నిర్మాణం. ఇది మిగిలిన ల్యాండ్ క్రూయిజర్‌ల మాదిరిగానే ఉంటుంది. అదనంగా, ఆండ్రాయిడ్ ఆటో, ఆపిల్ కార్‌ప్లేకి మద్దతు ఇచ్చే 12.3-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్ తాజా ఫీచర్లు ఇవి. ఇవే కాకుండా, 4-జోన్ ఆటోమేటిక్ క్లైమేట్ కంట్రోల్, హీటెడ్ స్టీరింగ్ వీల్, మూన్‌రూఫ్, 14-స్పీకర్ JBL ప్రీమియం ఆడియో సిస్టమ్ వంటి అనేక ఫీచర్లు ఈ కారులో ఉన్నాయి.
