రోడ్ల మీద ఆక్సిడెంట్లు జరగడం అనేది ఈ రోజుల్లో చాలా కామనైపోయింది. అతి వేగంతో కొన్ని, ట్రాఫిక్ రూల్స్ను అతిక్రమించి కొన్ని ప్రమాదాలు జరుగుతుంటాయి. అయితే కొన్ని ప్రమాదాలు మాత్రం చాలా విచిత్రంగా ఉంటాయి. మరికొన్ని వినోదాన్ని అందిస్తాయి. అలాంటి వినోదాన్నే అందిస్తోంది ఓ ఇన్సిడెంట్. సాధారణంగా ఆగివున్న వాహనాలను వచ్చి ఢీకొంటే తప్పు ఎవరిది..?ఆగివున్న వారిదా? లేదా ఢీ కొట్టినవారిదా..? అంటే ఢీ కొట్టినవారిదే అని ఎవరైన చెబుతారు.
కానీ , సోషల్ మీడియాలో వైరల్ అవుతున్న ఓ వీడియో మాత్రం అందుకు విరుద్ధంగా ఉంటుంది. రోడ్డు పక్కన ఆగి ఉన్న బైక్ను వచ్చి ఓ అమ్మాయి తన స్కూటీతో ఢీకొట్టింది. ఈ విషయంలో అమ్మాయి సారీ చెప్పాల్సింది పోయీ తిట్ల దండకాన్ని మొదలు పెట్టింది. ఈ విడ్డూరాన్ని గమనించిన కొంతమంది కుర్రాళ్ళు వీడియోను తీసి నెట్టింట్లో పోస్ట్ చేశారు. అమ్మాయి తీరును చూసిన నెటిజన్లు పొట్ట చెక్కలయ్యేలా నవ్వుతున్నారు. కొంతమంది మీమ్స్ను చేసి మరీ వీడియోను వైరల్ చేస్తున్నారు.
అసలేం జరిగిందంటే.. వర్షం పడుతుండటంతో ఓ బైకర్ రోడ్డు పక్కన తన బైక్ ను పార్క్ చేశాడు. అటుగా స్కూటీపై వస్తున్న అమ్మాయి కంట్రోల్ తప్పి బైకర్ను ఢీకొట్టింది. తప్పు చేసింది అమ్మాయి అయినా, సారీ చెప్పకుండా గుడ్డివాడివా..? కళ్లు కనిపించడం లేదా..? అని బైకర్నే తిట్టడం మొదలు పెట్టింది. ఆ పక్కనే ఉన్న వ్యక్తి మేడమ్ తప్పంతా మీదే అని అనడంతో ఏంటి మీరు నాపై అరుస్తున్నారు అని బదులిచ్చింది. ఈ వీడియో కాస్త నెట్టింట్లో వైరల్గా మారింది.
సీన్ అంతా చూస్తూ ఇది స్క్రిప్టెడ్ వీడియో అని అర్థమవుతోంది. అమ్మాయి బైక్ డ్రైవ్ చేసుకుంటూ రావడాన్ని క్లియర్గా వీడియో తీయడం చూస్తే ఇదంతా కావాలనే చేశారని స్పష్టంగా తెలుస్తోంది. బిహారీ బ్రో అనే ఇన్స్టాగ్రామ్ ఖాతాదారు ఈ వీడియోను పోస్ట్ చేశాడు. కొద్ది గంటల్లోనే వీడియో నెట్టింట్లో తెగ వైరల్ అయ్యింది. అయితే ఈ వీడియో చూసిన నెటిజన్లు ఒక్కోరకంగా స్పందిస్తున్నారు. కొంతమంది వింత వింత కామెంట్లు పోస్ట్ చేస్తున్నారు. మరికొందరు ఇది స్ట్రిప్ట్ వీడియో అయినా చూడటానికి సరదాగా ఉందని కామెంట్ చేస్తున్నారు. ఏది ఏమైనా ఈ వీడియోను చేస్తూ ఎవరైనా పొట్ట చెక్కలయ్యేలా నవ్వాల్సిందే.
