కండోమ్స్ గౌనులో మెగా కోడలు.. రీజన్ ఇదీ..  - MicTv.in - Telugu News
mictv telugu

కండోమ్స్ గౌనులో మెగా కోడలు.. రీజన్ ఇదీ.. 

May 21, 2020

upasanaaaa

కండోమ్స్ ఎందుకు వాడతారో చెప్పాల్సిన పనిలేదు. అవి పర్యావరణానికి హాని చేస్తాయనే గోల కూడా ఉంది. విషయం పక్కన బెడితో మెగా కోడలు కొణిదెల ఉపాసన కండోమ్స్‌తో తయారు చేసిన గౌను వేసుకుని కలకలం రేపారు. అది వేసుకుని ఊరికే ఉండలేదు. ఆ ఫొటోను తీసుకొచ్చి సోషల్ మీడియాలో పడేశారు. దీంతో ఆమె ధైర్యానికి జనం ఫిదా అయిపోతున్నారు. సమాజిక సేవ, ఆహారం, ఆరోగ్యం వంటి అంశాలపై ఉపాసన తరచూ పోస్టులు పెడుతుండడం తెలిసిందే. 

ఫ్యాషన్ డిజైనర్లు పారేసి గుడ్డముక్కలు, లోపాలున్న కండోమ్స్‌తో తయారైన గౌనును ఆమె తొడుక్కున్నారు. అలాంటిది వేసుకుని ధైర్యముందా అని ప్రశ్నించారు. అది సస్టైనబుల్ ఫ్యాషన్ అని చెప్పుకొచ్చారు. ఈ డ్రస్ చూసి మెగా అభిమానులు హాట్సాప్ అంటున్నారు. ఫొటోలు తీయించుకోడానికి మాత్రమే బాగుంటుందని, రోడ్డుపై తిరగలేమని మరికొందరు అంటున్నారు. పబ్లిసిటీ కోసం కాకుండా పనికొచ్చే పని చేయాలని హితవు పలుకుతున్నారు.