Viral Video: Woman dressed as Chandramukhi scares passengers in Delhi metro
mictv telugu

‘నేనే చంద్రముఖి’.. మెట్రో ప్రయాణంలో మెంటల్ చేష్టలు

January 24, 2023

Viral Video: Woman dressed as Chandramukhi scares passengers in Delhi metro

ప్రాంక్ వీడియోస్ పేరుతో ప్రశాంతంగా ఉన్న ప్రాంతంలో పిచ్చి పిచ్చి చేష్టలతో అలజడి సృష్టిస్తున్నారు కొంతమంది యువతి. బహిరంగ ప్రదేశాల్లో.. ప్రయాణ సాధనాల్లో.. జనాలను బెంబేలెత్తించేలా దిక్కుమాలిన వేషాలు వేస్తున్నారు. తాజాగా ఢిల్లీ మెట్రోలోని ప్రయాణికులను ఓ యువతి చంద్రముఖి అవతారంలో హడలెత్తించింది. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఇందులో ఓ యువతి చంద్రముఖి సీక్వెల్‌ అయిన బాలీవుడ్‌ హర్రర్‌, కామెడీ చిత్రం ‘భూల్‌ భూలయ్య’ సినిమాలోని ముంజులిక పాత్రలోని దుస్తులు ధరించి.. చంద్రముఖినంటూ.. బిత్తర చూపులు చూస్తూ మెట్రోలో కూర్చున్న వారిని భయపెట్టడానికి ప్రయత్నించింది.

 

ఆ గెటప్ చూస్తే.. బతుకు తెరువు కోసం భిక్షాటన చేస్తున్న యువతిలా కనిపించింది. మెట్రో కంపార్ట్‌మెంట్‌లో ఒక్కొక్క ప్రయాణికుడి వద్దకు నడుచుకుంటూ వెళ్తూ వారిని పట్టుకొని భయపెట్టింది. అయితే యువతిని చూసిన పలువురు ప్రయాణికులు షాకవ్వగా ఓ వ్యక్తి భయంతో ముందుకు పరుగు తీయడం వీడియోలో కనిపిస్తోంది. ఇక ఈ వీడియో నెట్టింట వైరల్‌ అవ్వడంతో నెటిజన్లు పలురకాలుగా స్పందిస్తున్నారు. ఈ వేషాలేవో స్టేజ్‌ మీద చేసుంటే ఆర్టిస్ట్ గా మంచి గుర్తింపు వచ్చేదని కొందరంటుంటే… ఇలాంటి వాటిని రియల్ లైఫ్ లో అస్సలు యాక్సెప్ట్ చేయరని మరికొందరు అంటున్నారు. ఈ 50 రుపాయల ఓవర్‌ యాక్టింగ్‌ చూడలేకపోతున్నామని, సెక్యూరిటీని దాటుకొని ఆ యువతి మెట్రోలో ఎలా ప్రయాణం చేయగలిగింది? అంటూ నెటిజన్లు పలు రకాలుగా కామెంట్‌ చేస్తున్నారు. అయితే ఈ సంఘటన ఎప్పుడు, ఎక్కడ జరిగిందనే వివరాలు తెలియరాలేదు.