రూ.6వేల లోపే రెడ్‌మీ స్మార్ట్ ఫోన్లు…అదిరిపోయే ఫీచర్లు

భారతదేశంలో ఫ్లాష్ సేల్స్ ద్వారా షావోమి కంపెనీ తన ఫోన్లను ఎక్కువగా విక్రయిస్తుంది. ఈ ఫోన్లకు మార్కెట్ లోనూ మంచి గిరాకీ ఉంది. ఈ మధ్య ఈ బ్రాండ్ లో వస్తున్న ఫోన్లను వినియోగించేందుకు యూజర్లు ఆసక్తి చూపిస్తున్నారు. ఇదే క్రమంలో తాజాగా షావోమి సరికొత్తగా రెండు మొబైల్ ఫోన్స్‎ను అందుబాటులోకి తీసుకువచ్చింది. Redmi A2, Redmi A2+ స్మార్ట్‌ఫోన్లు భారత మార్కెట్లో రీసెంట్‎గా విడుదలయ్యాయి. గురువారం నుంచి ఈ ఫోన్ల విక్రయాలను కంపెనీ ప్రారంభించింది. అతి తక్కువ ధరలో, మంచి ఫీచర్లతో ఈ ఫోన్లను రూపొందించింది. అంతే కాదు ఈ స్మార్ట్‌ఫోన్లపైన సంస్థ ఆకర్షణీయమైన ఆఫర్లను యూజర్లకు అందిస్తోంది. తాజాగా విడుదల చేసిన రెండు స్మార్ట్‌ఫోన్లలో ఒకే రకమైన ఫీచర్లు ఉన్నాయి. రెడ్‌మీ A2+ లో అదనంగా ఫింగర్ ప్రింట్ ఫీచర్‎ను అందుబాటులోకి తీసుకువచ్చారు. 2022లో విడుదల చేసిన A1 సిరీస్ తో పోల్చితే A2 సిరీస్‌లో ప్రత్యేక హంగులను అద్ది, శక్తివంతమైన చిప్‌లను జత చేర్చారు మేకర్స్.

రెడ్‌మీ A2 స్మార్ట్‎ఫోన్ మూడు మోడళ్లలో అందుబాటులో ఉంది. 2జీబీ ర్యామ్, 32జీబీ స్టోరేజీ, 2జీబీ ర్యామ్, 64జీబీ స్టోరేజీ, 4జీబీ RAM , 64జీబీ స్టోరేజీ కెపాసిటీతో ఫోన్‎లు మార్కెట్‎లో లభిస్తున్నాయి. 2జీబీ ర్యామ్, 32జీబీ స్టోరేజీ మోడల్ ఫోన్ ధర రూ.6,299 కు అందుబాటులో ఉంది. ఏదైనా బ్యాంకు కార్డుతో ఆర్డర్ చేస్తే రూ.5,999 చెల్లిస్తే సరిపోతుంది. 64 జీబీ స్టోరేజీ ఫోన్‎ రూ.6,999 కే అందుబాటులో ఉంది. ఇక 4జీబీ ర్యామ్, 64 జీబీ స్టోరేజీ మోడల్ ఫోన్ ధర రూ.7,999 పలుకుతోంది. రెడ్‌మీ A2+ స్మార్ట్‌ఫోన్ మాత్రం ఒకే ఒక్క మోడల్‎లో అందుబాటులో ఉంది. 4జీబీ RAM 64 జీబీ స్టోరేజీతో అందుబాటులో ఉన్న ఫోన్ ధర రూ.8,499గా కంపెనీ నిర్ణయించింది.

రెండేళ్ల వారెంటీ :

రెడ్‌మీ నుంచి విడుదలైన ఈ కొత్త సిరీస్ ఫోన్‎లు అమేజాన్, ఎంఐతో పాటు అన్ని ఆఫ్‎లైన్ స్టోర్స్‎లో అందుబాటులో ఉన్నాయి. అక్వా బ్లూ, క్లాసిక్ బ్లాక్, సీ గ్రీన్ కలర్స్‎లో లభిస్తున్నాయి. ఐసిఐసిఐ కార్డులు ఉన్నవారికి అదనంగా క్యాష్ బ్యాక్ ఆఫర్ వర్తిస్తుంది. కార్డు ఉపయోగించి ఫోన్ కొనుగోలు చేసిన వారికి రూ.500 వరకు క్యాష్ బ్యాక్ లభిస్తుంది. అంతే కాదు ఈ స్మార్ట్‎ఫోన్‎లకు రెండేళ్ల వారింటీ అందిస్తోంది కంపెనీ. ఈ రెండు మోడల్స్ కు దాదాపుగా ఒకే రకమైన ఫీచర్లు ఉన్నాయి. 6.52 అంగుళాల HD+ డిస్‌ప్లేతో వస్తాయి. మీడియా టెక్ హెల్లో G36 ప్రాసెసర్‌తో A2 సిరీస్‌లోని స్మార్ట్ ఫోన్స్ పని చేస్తాయి.

కెమెరా క్లారిటీ, బ్యాటరీ సామర్థ్యం :

సెల్ఫీలకు , వీడియో కాల్స్‎కు మంచి ఆప్షన్‎గా ఉన్నాయి ఈ ఏ2 సిరీస్ స్మార్ట్‎ఫోన్స్. 5 ఎంపి ఫ్రంట్ కెమెరాను ఈ మోడల్స్‎కు అందించారు మేకర్స్. 8 మెగా పిక్సెల్ ప్రైమరీ సెన్సార్స్, A1 సపోర్ట్‎తో ఫోన్స్‎ను డ్యుయల్ సెటప్‎తో తయారు చేశారు. 5000 mAh బ్యాటరీని ఈ మొబైల్స్ కు అందించారు.
మైక్రో USB పోర్ట్, 3.5mm హెడ్‌ఫోన్‎తో ఈ ఫోన్లను తయారు చేశారు.